प्रथिनांचे ‘पॉवरहाऊस’ आहे चवळी; जाणून घ्या 'हे' आरोग्यदायी फायदे

चवळी

चवळीमध्ये मोठ्या प्रमाणात पोषकतत्वांचा समावेश आढळून येतो. चवळी हे एक सुपरफूड असून चवळीला प्रथिनांचे पॉवरहाऊस असे म्हटले जाते.

प्रथिने

विविध प्रकारच्या डाळी, अंडी, चिकन, दूध, मांस इत्यादी घटकांना प्रथिनांचा प्रमुख स्त्रोत म्हणून ओळखले जाते. यामध्ये चवळीचा ही समावेश आहे.

आहार

चवळीमध्ये प्रथिने, फायबर, जीवनसत्वे, खनिजे आणि अँटिऑक्सिडंट्स आणि इतर पोषक घटक आढळून येतात. चवळीमध्ये मोठ्या प्रमाणात पोषकघटक असल्यामुळे चवळीचा प्रामुख्याने आहारात समावेश केला जातो. 

चवळीची भाजी, आमटी आणि इतर अनेक खाद्यपदार्थ चवळीपासून बनवले जातात. आरोग्यासाठी लाभदायी असणाऱ्या चवळीचे फायदे आज आपण जाणून घेणार आहोत.

वजन कमी करण्यासाठी लाभदायी

चवळीचे सेवन केल्यावर आपले पोट लवकर भरते. त्यामुळे, भूक कमी लागते. चवळीमुळे आपल्या शरीराची पचनक्रिया सुधारण्यास मदत होते. तसेच, चवळीमधील जीवनसत्वे आणि इतर पोषकघटक वजन कमी करण्यास मदत करतात.

शरीराला डिटॉक्स करण्यासाठी लाभदायी

चवळीमध्ये असलेले अँटिऑक्सिडंट्स आपल्या शरीरातील विषारी पदार्थ बाहेर टाकण्यास मदत करतात. ज्यामुळे, आपले शरीर डिटॉक्स होण्यास मदत होते. शिवाय, विषारी घटक बाहेर पडल्यामुळे आपली पचनक्रिया सुधारते.

मधुमेहींसाठी फायदेशीर

चवळीमध्ये असलेल्या पोषकघटकांमुळे रक्तातील साखरेची पातळी नियंत्रित राहण्यास मदत होते. त्यामुळे, मधुमेहींसाठी चवळीचा आहारात समावेश असणे महत्वाचे आहे.

वजन कमी करायचे आहे? मग, आहारात समाविष्ट करा 'हे' झीरो कॅलरीज फूड्स