सकाळ डिजिटल टीम
Deadpool and Wolverine हा चित्रपट लवकरच थिएटरमध्ये दाखल होणार आहे. इतर देशांव्यतिरिक्त भारतीय चाहत्यांमध्येही या चित्रपटाबद्दल प्रचंड उत्साह आहे.
या हॉलिवूड चित्रपटांनी भारतात सर्वाधिक कमाई केली आहे. कोणते आहेत ते चित्रपट? जाणून घ्या..
Avatar : The Way of Water हा भारतात सर्वाधिक कमाई करणाऱ्या हॉलिवूड चित्रपटांच्या यादीत अग्रस्थानी आहे. 2022 साली प्रदर्शित झालेल्या या चित्रपटाला प्रेक्षकांचं भरभरून प्रेम मिळालं. पहिल्या वीकेंडला 129 कोटींहून अधिक कमाई केली होती. या चित्रपटानं भारतात 391.4 कोटींचा गल्ला जमवून मोठी कामगिरी केली होती.
Avengers : Endgame हा भारतातील दुसरा सर्वाधिक कमाई करणारा हॉलिवूड चित्रपट आहे. अवतार 2 रिलीज होण्यापूर्वी भारतात 300 कोटींचा टप्पा पार करणारा हा पहिला हॉलिवूड चित्रपट होता. या चित्रपटानं भारतात एकूण 373.22 कोटी रुपयांची कमाई केली होती.
Avengers : Infinity War हा चित्रपट या यादीत तिसऱ्या क्रमांकावर आहे. हा चित्रपट 27 एप्रिल 2019 रोजी प्रदर्शित झाला होता. या चित्रपटाचे एकूण कलेक्शन 227.43 कोटी होते. मार्वल सिनेमॅटिक युनिव्हर्सचे (Marvel Cinematic Universe) भारतात प्रचंड चाहते आहेत.
स्पायडर-मॅन : नो वे होमने (Spider-Man: No Way Home) भारतात आपल्या दमदार कामगिरीने सर्वांनाच आश्चर्यचकित केलं होतं. हा चित्रपट इथल्या लोकांना खूप आवडला होता. या चित्रपटानं बाॅक्स ऑफिसवर एकूण 218.41 कोटींची कमाई केली होती. देशात सर्वाधिक कमाई करणारा हा चौथा विदेशी चित्रपट आहे.