सकाळ डिजिटल टीम
Konkan Colorful Flowers : एकीकडे उन्हाच्या रखरखाटामध्ये घरातून बाहेर पडणे जीवावर येत आहे.
अशा स्थितीमध्ये निसर्गामध्ये फुललेली विविध फुले मनाला उल्हासित करताहेत.
भर उन्हाळ्यात बहरलेला निसर्गाचा रंगोत्सव साऱ्यांचे लक्ष वेधून घेत आहे.
आकर्षक रंगछटा असलेली ही आकर्षक फुले वेगळा आनंद मिळवून देताना मनासह शरीरात आलेला क्षीणही क्षणार्धात नाहीसा करतात.
कोकणातील जंगल परिसरात ही फुलं फुललेली दिसताहेत.
यात मधुमालती, बहावा, काटेसावर, पेंडगुळ (तांबळ), रानचमेली इत्यादी फुलांना बहर आला आहे.
ही विविध रंगी फुलं रस्त्याने येणाऱ्या-जाणाऱ्यांचे लक्ष वेधून घेत आहेत.