वीरदासला 'इमी' ट्रॉफीसह विमानतळावर अडवलं अन्...

अभिनेता आणि स्टँडअप कॉमेडियन वीरदासनं आपला पहिला आंतरराष्ट्रीय इमी पुरस्कार पटकावला.

नेटफ्लिक्सवरचा खास शो 'वीर दास लँडिंग'साठी त्याला या पुरस्कारानं गौरवण्यात आलं आहे.

हा प्रतिष्ठेचा पुरस्कार घेऊन भारतात परतल्यानंतर मात्र त्याला एका विचित्र अनुभवाला सामोरं जावं लागलं.

बंगळुरुच्या एअरपोर्टवर त्याला सिक्युरिटी चेक स्टाफनं त्याची बॅग चेक केली. त्यात धारदार शस्त्र असलेली मुर्ती असल्याचं त्यांनी म्हटलं.

पण वीरदासनं त्याला समजावून सांगितलं की, ती इमीची ट्रॉफी आहे. त्याला पंख आहेत, ती मुर्ती नाही.

त्यानं आपली बॅग उघडून दाखवली, त्यानंतर ती ट्रॉफी पाहून अधिकाऱ्यानं त्याचं अभिनंदन केलं.

अधिकाऱ्यानं त्याला विचारलं, तू काय करतोस? त्यावर वीरदास म्हणाला "मी जोक सांगतो"

यावर जोक सांगायचा पण पुरस्कार मिळतो का? असं त्याला चेकर म्हणाला. त्यावर तो म्हणाला, मला पण हे जरा विचित्रच वाटलं. त्यावर दोघेही खळखळून हसले.

त्यानंतर वीरदासनं आपली ट्रॉफी बॅगेत ठेवली आणि तो पुन्हा पुढच्या प्रवासासाठी निघून गेला.