Pranali Kodre
भारताचा स्टार फलंदाज विराट कोहलीचा चाहतावर्ग मोठा आहे. केवळ भारतातच नाही, तर जगभरात त्याचे चाहते आहेत.
याचाच प्रत्येय नुकताच आला आहे. पाकिस्तानमध्ये सध्ये देशांतर्गत स्पर्धा चॅम्पियन्स वनडे कप स्पर्धा खेळली जात आहे.
या स्पर्धेदरम्यान फैसलाबादला झालेल्या एका सामन्यादरम्यान काही चाहत्यांनी विराटच्या नावाची जर्सी फडकावल्याचा फोटो सध्या व्हायरल होत आहे.
खरंतर यापूर्वीही अनेक पाकिस्तानी क्रिकेटपटू आणि चाहत्यांनी दावा केला आहे की विराटची त्यांच्या देशात मोठी फॅन फॉलोइंग आहे.
दरम्यान विराटने अद्याप पाकिस्तानमध्ये क्रिकेट खेळलेले नाही.
त्यामुळे चाहत्यांना अपेक्षा असेल की पुढीलवर्षी होणाऱ्या २०२५ चॅम्पियन्स ट्रॉफी स्पर्धेसाठी विराट पाकिस्तानमध्ये येईल.
२०२५ चॅम्पियन्स ट्रॉफीचे यजमानपद पाकिस्तानकडे आहे. मात्र अद्याप बीसीसीआयने पाकिस्तानला जाणार की नाही, याबाबत अंतिम निर्णय घेतलेला नाही.