सकाळ डिजिटल टीम
आयपीएल 2024 स्पर्धेला 22 मार्च रोजी सुरुवात होणार आहे. पहिलाच सामना चेन्नई सुपर किंग्स विरुद्ध रॉयल चॅलेंजर्स बेंगलोर संघात होईल.
दरम्यान, आयपीएलच्या या 17 व्या हंगामाला सुरुवात होण्यापूर्वी विराट कोहली नव्या लूकमध्ये दिसला आहे.
त्याने आयपीएल 2024 पूर्वी त्याची हेअरस्टाईल बदलली आहे.
विराटने प्रसिद्ध हेअर स्टायलिस्ट अली हाकिमकडून त्याचा हा हेअर कट करून घेतला आहे.
विराटचे नव्या हेअर कटमधील फोटो अली हाकिमनेच सोशल मीडियावर शेअर केले असून ते सध्या व्हायरल होत आहेत.
दरम्यान, विराट सलग 17 व्या हंगामात रॉयल चॅलेंजर्स बेंगळुरूकडून खेळण्यास सज्ज आहे.
विराट सलग 17 आयपीएल हंगाम एकाच संघाकडून खेळणारा एकमेव खेळाडू आहे.