Monika Lonkar –Kumbhar
सांगली लोकसभा मतदारसंघातून अपक्ष म्हणून उभे राहिलेले विशाल पाटील यांचा विजय झाला आहे.
भाजपचे संजय पाटील आणि विशाल पाटील यांच्यात चुरशीची लढत रंगली होती. अखेर यात विशाल पाटलांनी विजय मिळवला आहे.
सांगलीची जागा संपूर्ण देशात चर्चेत होती. कारण काँग्रेसकडून तिकीट न मिळाल्याने विशाल पाटील या जागेवरून अपक्ष म्हणून रिंगणात उतरले होते
काँग्रेस पक्षातर्फे विशाल पाटलांना सांगलीची जागा लढवायची होती. परंतु, जागावाटपात ही जागा शिवसेनच्या उद्धव ठाकरे गटाला गेल्यामुळे विशाल पाटलांनी बंड केले होते.
शिवसेना उबाठा गटातर्फे निवडणुकीत उतरलेले पैलवान चंद्रहार पाटलांना जनतेची साथ काही मिळू शकलेली नाही.
महाराष्ट्राचे माजी मुख्यमंत्री दिवंगत वसंतदादा पाटील यांचे नातू विशाल पाटील यांनी सांगली मतदारसंघातून विजयी गुलाल उधळला आहे.
विशाल पाटील सुरुवातीपासून मतमोजणीत आघाडीवर होते, त्यांनी भाजपचे खासदार संजयकाका पाटील आणि चंद्रहार पाटील यांचा पराभव करत विजयाचा गुलाल उधळला.