kimaya narayan
सध्या बॉक्स ऑफिसवर सिंघम अगेन आणि भुलभुलैय्या 3 या दोन्ही सिनेमांनी बक्कळ कमाई केली आहे. कार्तिक आर्यन आणि अजय देवगनच्या या सिनेमांमध्ये तगडी टक्कर पाहायला मिळतेय.
पण या दोन्ही सिनेमांबरोबरच OTT प्लॅटफॉर्मवरही काही सस्पेन्स सिनेमे रिलीज होणार आहेत. नेटफ्लिक्स पासून ते प्राईम वर हे सिनेमे रिलीज होणार आहेत. जाणून घेऊया या आठवड्यात रिलीज होणाऱ्या सिनेमांविषयी.
ज्युनिअर एनटीआर आणि जान्हवी कपूर यांची मुख्य भूमिका असलेल्या देवरा पार्ट 1 हा सिनेमा लवकरच ओटीटीवर रिलीज होणार आहे. नेटफ्लिक्सवर हा सिनेमा 8 नोव्हेंबरला रिलीज होणार आहे. सैफ अली खानचीही मुख्य भूमिका आहे.
रजनीकांत आणि अमिताभ बच्चन यांची मुख्य भूमिका असलेला वेट्टैयान हा सिनेमा ओटीटीवर रिलीज होणार आहे. या सिनेमाच्या निमित्ताने 33 वर्षांनी अमिताभ आणि रजनीकांत यांनी एकत्र काम केलं. 8 नोव्हेंबरला हा सिनेमा ॲमेझॉन प्राईमवर रिलीज होणार आहे.
वरुण धवन आणि सामांथा रुथ प्रभू यांची मुख्य भूमिका असलेली 'सिटाडेल हनी-बनी' ही वेब सिरीज रिलीज होणार आहे. सस्पेन्स आणि ॲक्शन असलेल्या या वेबसिरीजची उत्सुकता या प्रेक्षकांमध्ये पाहायला मिळणार. 7 नोव्हेंबरला ॲमेझॉन प्राईमवर ही वेबसिरीज रिलीज होणार आहे.
करिना कपूरची मुख्य भूमिका असलेला 'द बंकींगहॅम पॅलेस' थिएटरमध्ये रिलीज करण्यात आला पण हा सिनेमा फारसा चालला नाही. पण आता हा सिनेमा 8 नोव्हेंबर 2024ला नेटफ्लिक्सवर रिलीज होणार आहे.