सकाळ डिजिटल टीम
दोन वर्षांच्या मुलांनाही हल्ली मोबाईलची सवय लागली आहे. मोबाईल घेतल्याशिवाय मुलं जेवत नाहीत आणि मोबाईल काढून घेतला रडारड सुरू करतात. म्हणून मग पालकही नाईलाजाने मुलांकडे मोबाईल सोपवतात.
पण अशाने त्यांची मोबाईलची सवय दिवसेंदिवस वाढतच जाते. मोबाईल फक्त मुलांच्या डोळ्यांसाठी हानिकारक नसून त्यांचा आरोग्यावरही परिणाम होतो. जसे की लठ्ठपणा, चिडचिडा स्वभाव, कमकुवत दृष्टी अश्या अनेक समस्या उद्भवतात.
मुलांपासून मोबाईलची सवय सोडवण्याचे सोपे मार्ग कोणते हे आपण जाणून घेऊयात.
पालकांचे वागणे मुलं टिपत असतात. त्यामुळे पालकांनी घरामध्ये मोबाईलचा वापर कमी करायला हवा.
मुलं जेवत नसली की सोपा उपाय म्हणून पालक त्यांना मोबाईल देतात, तसं करणं आधी टाळा.
पालकांनी मुलांच्या रोजच्या कामाचे वेळापत्रक बनवावे, त्यात मोबाईलसाठी थोडा वेळ ठेवल्यास हरकत नाही
मुलांना फावल्या वेळेत विविध चित्रकला, गायन, वादन आदींमध्ये गुंतवावे.
मुलांना दररोज किमान १-२ तास मैदानी खेळ खेळण्यास पाठवावे.
मुलांना मोबाईलपासून जितके जमेल तितके दूर ठेवा खासकरून झोपताना.
पालकांनी मुलांसोबत वेळ घालवणे गरजेचे आहे. म्हणजे त्यांना एकटे वाटणार नाही आणि ते मोबाईलमध्ये वेळ घालवणार नाहीत.