आशुतोष मसगौंडे
राधिका मर्चंट आणि अनंत अंबानी या वर्षी जुलैमध्ये लग्नबंधनात अडकले आहेत.
गेल्या काही महिन्यांपासून सोशल मीडियावर सर्वत्र अंबानी कुटुंबातील धाकटा मुलगा अनंत अंबानी आणि राधिका मर्चंटची चर्चा होत आहे.
या दोघांच्या प्रेमकहाणीपासून ते त्यांचे वैयक्तिक आयुष्य, शिक्षण, करिअर आणि सध्या ते काय काम करत आहेत या सर्व गोष्टी प्रत्येकाला जाणून घ्यायच्या आहेत.
अनंत अंबानीचा जन्म 10 एप्रिल 1995 रोजी मुंबईत झाला. भारतातील सर्वात मोठे उद्योगपती मुकेश अंबानी आणि त्यांची पत्नी नीता अंबानी यांचा तो सर्वात लहान मुलगा आहे.
अनंत अंबानीने 2015 मध्ये ब्राउन युनिव्हर्सिटीमधून बिझनेस मॅनेजमेंटमध्ये बॅचलर डिग्री मिळवली आहे. त्यानंतर तो त्यांच्या कुटुंबाच्या व्यवसायात सहभागी झाला.
तेव्हापासून, अनंतने रिलायन्स इंडस्ट्रीज लिमिटेड (RIL) च्या विविध उपकंपन्यांचे संचालक म्हणून काम केले आहे.
अनंत अंबानी मार्च 2020 पासून Jio Platforms Limited, मे 2022 पासून Reliance Retail Ventures Limited आणि जून 2021 पासून Reliance New Energy Limited आणि Reliance New Solar Energy Limited चा संचालक आहे.
अनंत अंबानी याने त्याचे सुरुवातीचे शिक्षण धीरूभाई अंबानी इंटरनॅशनल स्कूल, मुंबई येथून घेतले. यानंतर त्यांनी उच्च शिक्षणासाठी अमेरिकेच्या ब्राऊन विद्यापीठात प्रवेश घेतला.