सकाळ डिजिटल टीम
मराठी सृष्टी ओळखली जाते ती अशोक सराफ आणि लक्ष्मीकांत बेर्डे या दिग्गजांमुळे.
या जोडीने मराठी चित्रपट सृष्टीचा एक काळ चांगलाच गाजवला होता.
विनोदी अभिनयाने या कलाकारांनी चित्रपटाचा प्रमुख नायक बनून प्रेक्षकांना मनसोक्त हसवलं.
लक्ष्मीकांत बेर्डे यांच्या निधनानंतर ही पोकळी प्रकर्षाने जाणवली.
अभिनेत्री रुही सोबत त्यांनी आपला संसार थाटला होता.
रुही बेर्डे यांनी त्याअगोदर हिंदी मराठी चित्रपटांची नायिका म्हणून प्रसिद्धी मिळवली होती.
टूर टूर या नाटकाने लक्ष्मीकांत बेर्डे यांना चांगली ओळख मिळवून दिली.
गजरा मालिका, मराठी, हिंदी चित्रपट असा त्यांचा यशाचा आलेख चढताच राहीला.
लक्ष्मीकांत बेर्डे हे त्यांच्या आईच्या खूप जवळ होते. आईमुळेच मला विनोदी अभिनयाची जाण झाली असे ते नेहमी म्हणत.
आईच्या निधनाने लक्ष्मीकांत बेर्डे खचून गेले त्यानंतर वडीलांचेही निधन झाले.
अशातच ५ एप्रिल १९९८ रोजी रुहीचे देखील निधन झाले. या घटनेमुळे लक्ष्मीकांत बेर्डे खूपच खचले होते.
दरम्यान प्रिया अरुण यांच्याशी लग्न केल्यानंतर लक्ष्मीकांतला अभिनय आणि स्वानंदी ही दोन अपत्ये झाली.
मुलांसोबत वेळ घालवण्याचे त्यांच्या सोबत खेळण्याचे दिवस असतानाच लक्ष्मीकांत बेर्डे यांना किडनीच्या विकाराने ग्रासले.
आपल्या अखेरच्या दिवसात ते अंथरुणाला खिळून राहिले होते.
अशातच १६ डिसेंबर २००४ रोजी त्यांच्या निधनाच्या बातमीने अवघ्या सृष्टीला धक्का बसला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.