Anuradha Vipat
बॉलीवूड अभिनेत्री आणि हिमाचलमधून मंडी लोकसभा निवडणूक लढवणारी कंगना रणावत नेहमी चर्चेत असते.
या निवडणुकीत विजय मिळवल्यानंतर काय करणार? यासंदर्भात कंगनाने आपली भूमिका स्पष्ट केली आहे.
कंगना म्हणाली, अभिनेत्री म्हणून मला अनेक पुरस्कार मिळाले आहेत. परंतु आता येणाऱ्या काळात मला ‘एमपी ऑफ द ईयर’ पुरस्कार मिळाल्यावर खूप आनंद होणार आहे.
तसेच त्यानंतर मंत्री म्हणून काम करणे किंवा एखादी मोठी जबाबदारी मिळाल्यास ती पार पडणार आहे. परंतु सध्या तरी मंडीच्या विकासावर लक्ष केंद्रीत केले आहे, असे कंगना रणावतने म्हटले आहे.
हिमाचल प्रदेशातील चार जागांवर १ जून रोजी मतदान आहे. मंडी लोकसभा मतदार संघात 13 लाख 77 हजार 173 मतदार आहे.
कंगना रणावत हिच्या विरोधात काँग्रेसचे उमेदवार विक्रमादित्य सिंह निवडणूक मैदानात आहे.