पत्नी भाजपमध्ये नवरा कुख्यात गँगस्टर, कोण आहे शरद मोहोळ?

पुण्यात शरद मोहळ याच्यावर कोथरूड परिसरात तीन गोळ्या झाडल्याचा प्रकार समोर आला आहे. पण नेमकं हा शरद मोहोळ आहे तरी कोण?

शरद मोहोळ हा कुख्यात गुन्हेगार असून त्याच्यावर हत्या, हत्येचा प्रयत्न, खंडणी, अपहरण असे अनेक गुन्हे नोंद आहेत. तसेच याच्या पत्नीने स्वाती मोहोळ यांनी भाजपमध्ये प्रवेश केला आहे.

मोहोळ याला दुसऱ्या गँगमधील पिंटू मारणे याची हत्येप्रकरणी अटक करण्यात आली होती. या खटल्यात तो जामिनावर बाहेर आला.

तसेच दासवे गावचे सरपंच शंकर धिंडले यांचे त्याने अपहरण केल्याने मोहोळ याला पुन्हा अटक करण्यात आली होती.

येरवडा कारागृहात शरद मोहोळ अन् विवेक भालेराव या दोघांनी मिळून दशतवादी कृत्यांमध्ये सहभागी असल्याचा आरोपी कतील सिद्दीकीचा खून केला.

या प्रकरणात मागील वर्षी शरद मोहोळला जामीन मिळाला होता. त्यानंतर त्याचे गुन्हेगारी कृत्ये सुरुच राहिल्याचे पाहायला मिळाले.

शरद मोहोळ याला २०२२ च्या जुलै महिन्यात गुन्हेगारी कृत्यामुळे तडीपार करण्यात आले होते.

दहशत असलेल्या कोथरूड परिसरातच शरद मोहोळ याच्यावर तीन गोळ्या झाडण्यात आल्या असून एक गोळी त्याच्या खांद्याला लागली आहे, त्यानंतर त्याला रुग्णालयात नेण्यात आलं.

राजकारणात प्रवेश करणार का? प्रश्नावर प्राजक्ता माळी काय म्हणाली?