आशुतोष मसगौंडे
आबाजी तुबाजी सानप हे 'भगवान बाबा' म्हणून प्रसिद्ध होते, त्यांचा जन्म सावरगाव घाट तालुका, पाटोदा जिल्हा, बीड येथे झाला.
29 जुलै 1896 रोजी जन्मलेले भगवान बाबा महाराष्ट्रातील वारकरी संप्रदायाचे प्रसिद्ध संत होते.
भगवान बाबा हे गीतेबाबा दिघुळकर, माणिकबाबा, बंकटस्वामी महाराज, संत नामदेव महाराज आणि संत एकनाथ महाराज यांना आपले गुरू मानत होते.
भगवान बाबा यांनी 1918 मध्ये नारायणगड ते पंढरपूर असी पायी वारी चालू केली होती. त्यामुळे तेव्हापासून नारायणगडाला ‘धाकटी पंढरी’ म्हटले जाते.
भगवान बाबा यांनी समाजातील जातपात, धर्मभेद, उच्चनीचता, व पंथभेद दूर करण्यासाठी मोठे काम केले आहे.
त्या काळात भगवानबाबांची कीर्ती सर्वत्र पसरली होती. त्यामुळे काही वाईट प्रवृत्तीच्या लोकांनी त्यांना खूप त्रास दिला. त्यांना मारण्यासाठी मारेकरी पाठवून हत्येचा प्रयत्न झाला होता.
दरम्यान गेल्या अनेक वर्षांपासून भगवान गडावर गोपीनाथ मुंडे आणि त्यांच्यानंतर आता पंकजा मुंडे दसरा मेळावा आयोजित करतात. यासाठी लाखो लोक उपस्थित असतात.
भगवान गडावर आज पंकजा मुंडे यांनी दसरा मेळावा आयोजित केला आहे. यावेळी त्यांच्यासोबत धनंजय मुंडेही उपस्थित राहणार आहेत.