सकाळ डिजिटल टीम
बॉलिवूड अभिनेता अल्लू अर्जुनच्या 'पुष्पा २' ची चाहते आतुरतेने वाट पाहत आहेत. मात्र या चित्रपटाचं प्रदर्शन लांबणीवर पडलं आहे.
नुकतंच या चित्रपटातलं 'अंगारो से' हे गाणं प्रदर्शित करण्यात आलं होतं.
हे गाणं प्रचंड व्हायरल झालं. अनेक जण त्यावर रिल्स बनवताना दिसत आहेत.
मात्र १५ ऑगस्ट रोजी 'पुष्पा २' प्रेक्षकांच्या भेटीला येणार होता. मात्र आता या चित्रपटाची तारीख बदलली आहे.
'पुष्पा २' च्या मेकर्सनी या चित्रपटाची नवी तारीख जाहीर केली आहे. हा चित्रपट आता सहा महिने पुढे ढकलण्यात आला आहे.
अल्लू अर्जुन १ महिना आजारी होत्या त्यामुळे चित्रपटाचं शुटिंग लांबणीवर पडलं. त्यानंतर एडिटिंगला देखील वेळ लागत आहे.
चित्रपटाचं एडिटिंग अजून पूर्ण झालेलं नाही. त्यामुळे चित्रपटातील फक्त लिरिकल गाणं प्रदर्शित करण्यात आलं होतं.
'पुष्पा २' आता ६ डिसेंबर २०२४ रोजी प्रदर्शित होणार आहे. त्याची टक्कर विकी कौशलच्या 'छावा' सोबत होणार आहे.