सकाळ डिजिटल टीम
आजकाल स्मार्टफोनचा (Smartphone) वापर खूप सामान्य झाला आहे. मोठी माणसे त्याचा हुशारीने वापर करतात, पण लहान मुलांसाठी ते मोठे आव्हान बनले आहे.
आपल्या मुलांना स्मार्टफोनचे व्यसन लागल्यामुळे पालकांना जास्त काळजी वाटू लागली आहे.
लहान मुलांना शांत करण्यासाठी स्मार्टफोनचा वापर केला जातो. जर मुले रडत असतील, तर त्यांना फोन दिल्याने त्यांना शांत होण्यास मदत होते.
फोनवर जास्त वेळ व्हिडिओ पाहिल्याने त्यांच्या मानसिक आणि शारीरिक आरोग्यावर विपरीत परिणाम होतो. त्यामुळे त्यांच्या स्मरणशक्ती आणि मानसिक संतुलनावरही परिणाम होतो.
मोबाईलच्या व्यसनामुळे मुले मानसिक आणि शारीरिकदृष्ट्या कमकुवत होऊ शकतात, असे तज्ज्ञांचे मत आहे. त्यामुळे मुले चिडचिडी होऊन त्यांची स्मरणशक्ती कमजोर होते.
-अगदीच आवश्यक असेल, तेव्हाच पालकांनी मुलांना फोन द्यावा.
-तुमच्या डिव्हाइसवर मजबूत पासवर्ड ठेवा, जेणेकरून मुलांना ते क्रॅक करणे सोपे होणार नाही.
-मुलांना फोनपासून दूर ठेवण्याचा सर्वात सोपा मार्ग म्हणजे त्यांचे निरीक्षण करणे. मुलं फोनवर किती वेळ घालवतात याकडे लक्ष द्या.
-केवळ फोनच नाही तर मुलांना टीव्ही आणि इतर उपकरणांपासूनही दूर ठेवणे महत्त्वाचे आहे. टीव्ही पाहण्यानेही मुलांचे नुकसान होऊ शकते.