जेवणानंतर ग्रीन टी प्यावी का ? जाणून घ्या!

निरोगी जीवनशैलीसाठी संतुलित आहार आणि नियमितपणे व्यायाम करणे, अतिशय आवश्यक आहे.

मात्र, सध्याचे धकाधकीचे जीवन, फास्टफूडचे वाढलेले सेवन आणि व्यायामाचा अभाव यामुळे, आरोग्याच्या अनेक समस्या निर्माण झाल्या आहेत. यामध्ये सर्वाधिक समस्या या वजनवाढीच्या आहेत.

वाढलेले वजन कमी करण्यासाठी लोक ग्रीन टी चा आधार घेतात. ग्रीन टी प्यायल्यामुळे वजन कमी करण्यास मदत होते.

ग्रीन टी प्यायल्यामुळे वजन कमी होण्यासोबतच त्वचेवरील चमक देखील वाढते. यासोबतच रोगप्रतिकारक शक्ती मजबूत करण्याचे काम ग्रीन टी करतो.

ग्रीन टी चे असे अनेक आरोग्यदायी फायदे आहेत. परंतु, ग्रीन टी पिण्याची देखील एक योग्य वेळ असते.

जर तुम्ही चुकीच्या वेळी ग्रीन टी प्यायला तर यामुळे, आरोग्याचे नुकसान देखील होऊ शकते.

आज आपण चुकीच्या वेळी ग्रीन टी प्यायल्यामुळे आरोग्याचे होणारे नुकसान आणि ग्रीन टी पिण्याची योग्य वेळ कोणती? ते जाणून घेणार आहोत.

पित्ताची समस्या उद्भवते

सकाळी उठल्यानंतर रिकाम्या पोटी ग्रीन टीचे सेवन करणे साफ चुकीचे आहे. रिकाम्या पोटी ग्रीन टी प्यायल्यामुळे पित्ताची समस्या उद्भवू शकते. त्याआधी काहीतरी खा आणि त्यानंतर १ तासाने ग्रीन टी प्या.

जेवण केल्यानंतर ग्रीन टी पिणे टाळा

काही जण जेवण केल्यानंतर लगेचच ग्रीन टी चे सेवन करतात. मात्र, असे करणे चुकीचे आहे. जेवण केल्यानंतर लगेचच ग्रीन टी पिऊ नका यामुळे, आरोग्याचे नुकसान होऊ शकते.

या व्यतिरिक्त जास्त प्रमाणात ग्रीन टी चे सेवन केल्याने शरीरात लोहाची कमतरता भासण्याची दाट शक्यता असते. त्यामुळे, जास्त प्रमाणात ग्रीन टी पिणे टाळा.

ग्रीन टी पिण्याची योग्य वेळ कोणती?

दिवसातून २ कपांपेक्षा जास्त ग्रीन टीचे सेवन करणे टाळा. या व्यतिरिक्त तुम्ही झोपण्यापूर्वी आणि जेवण केल्यानंतर लगेचच ग्रीन टी चे सेवन करणे टाळा.

तुम्ही सकाळी नाश्ता केल्यानंतर १० ते ११ या वेळेत ग्रीन टी पिऊ शकता. त्यानंतर, संध्याकाळी ५-६ या वेळेत तुम्ही ग्रीन टी चे सेवन करू शकता. ग्रीन टी पिण्याची ही खर तर योग्य वेळ आहे.

वारंवार उकळ्याने चहाचं होऊ शकतं विष; हिवाळ्यात घ्या विशेष काळजी