Pranali Kodre
भारताचा यष्टीरक्षक फलंदाज ऋषभ पंतने नुकतीच २० ऑगस्ट रोजी सोशल मीडियावर एक पोस्ट शेअर केली आहे.
या पोस्टमध्ये त्याने एक फोटो पोस्ट केला आहे, या फोटोमध्ये ऋषभने अभिनेते रजनीकांत यांच्या कबाली चित्रपटातील सिग्नेचर पोझ दिल्याचे दिसत आहे.
पंतने त्याच्या फोटोच्या शेजारी तशाच पोजमधील रजनीकांत यांचा फोटोही जोडला आहे. या पोस्टला ऋषभने 'थलायवा' असं कॅप्शनही टाकले आहे.
दरम्यान, त्याच्या या पोस्टमुळे सोशल मीडियावर वेगळीच चर्चा सुरू झाली आहे.
अनेकांनी त्याच्या थलायवा या कॅप्शनचा संबंध चेन्नई सुपर किंग्सचा दिग्गज कर्णधार एमएस धोनीशी जोडला आहे. धोनीलाही क्रिकेटमधील थलायवा म्हटले जाते.
त्यामुळे अनेकांनी असाही प्रश्न उपस्थित केला आहे की ऋषभ पंत पुढच्या वर्षी आयपीएलमध्ये चेन्नई सुपर किंग्स संघात येणार आहे का?
दरम्यान, ऋषभ पंत गेल्या अनेक वर्षांपासून आयपीएलमध्ये दिल्ली कॅपिटल्स संघाकडून खेळत असून तो या संघाचा कर्णधारही आहे. त्यामुळे अद्याप त्याला ते संघातून मुक्त करणार आहेत की कायम करणार आहेत, याबाबत कोणतेही स्पष्ट उत्तर दिलेलं नाही.