Pranali Kodre
विम्बल्डन २०२४ स्पर्धेत पुरुष एकेरीचे विजेतेपद स्पेनच्या कार्लोस अल्काराज आणि महिला एकेरीचे विजेतेपद झेक प्रजासत्ताकच्या बार्बरा क्रेसिकोवा यांनी जिंकले.
अल्काराजने अंतिम सामन्यात नोव्हाक जोकोविचला ६-२, ६-२, ७-६ (७-४) अशा सरळ तीन सेटमध्ये पराभूत केले.
तसेच क्रेसिकोवाने जास्मीन पाओलिनीला अंतिम सामन्यात ६-२, २-६, ६-४ अशा फरकाने पराभूत केले.
या स्पर्धेनंतर एकेरीतील विजेत्या आणि उपविजेत्यांना भरघोस बक्षीस रक्कम देण्यात आली.
यापूर्वीच निश्चित झाल्याप्रमाणे विजेत्या अल्काराज आणि क्रेसिकोवा यांना २७ लाख पाउंड म्हणजे भारतीय चलनानुसार साधारण २८ कोटी ३५ लाखांहून अधिक पैसे बक्षीस म्हणून देण्यात आले.
तसेच उपविजेते जास्मीन पाओलिनी आणि नोव्हाक जोकोविच यांना प्रत्येकी १४ लाख पाउंड म्हणजेच भारतीय चलनानुसार साधारण १४ कोटी ७० लाखांहून अधिक रुपये बक्षीस म्हणून देण्यात आले.
याशिवाय उपांत्य फेरीत पराभूत झालेल्या डॅनिल मदवेदेव, लॉरेंझ मुसेटी, एलेना रायबाकिना, डोना वेकीच यांना प्रत्येकी ७ लाख १५ हजार पाउंड म्हणजेच भारतीय चलनानुसार साधारण ७५ लाख रुपये बक्षीस म्हणून देण्यात आले.