Pranali Kodre
आयपीएल 2024 स्पर्धा सध्या सुरू असून या स्पर्धेत चेन्नई सुपर किंग्सचा अष्टपैलू शिवम दुबे शानदार फॉर्ममध्ये खेळत आहे.
डावखुरा खेळाडू दुबेने आत्तापर्यंत आयपीएल 2024 मध्ये खेळलेल्या चार सामन्यात 4 सामन्यात एका अर्धशतकासह 49.33 च्या सरासरीने आणि 160.87 च्या स्ट्राईक रेटने 148 धावा केल्या आहेत.
दुबेने 5 एप्रिलला सनरायझर्स हैदराबादविरुद्धच्या सामन्यातही चेन्नईकडून खेळताना 24 चेंडूत 45 धावांची खेळी केली.
त्याच्या या खेळीनंतर भारताचा माजी अष्टपैलू क्रिकेटपटू युवराज सिंगने त्याचे भरभरून कौतुक केले आहे.
युवराजने असेही म्हटले की शिवम दुबेला जून 2024 मध्ये वेस्ट इंडिज आणि अमेरिकेत होणाऱ्या टी20 वर्ल्डकपसाठीही निवडले जावे.
युवराजने ट्वीट केले की 'शिवम दुबेला पाहाताना मजा आली. तो खूप सहज सीमारेषेबाहेर चेंडू मारत होता. मला वाटते तो वर्ल्डकपसाठी संघात हवाच. त्याच्याकडे गेमचेंजर बनण्याचे कौशल्य आहे.'
दरम्यान, टी20 वर्ल्डकपसाठी एप्रिलच्या अखेरच्या आठवड्यात किंवा मे महिन्याच्या पहिल्या आठवड्यात भारताचा संघ निवडला जाण्याची शक्यता आहे.