EPFO Latest News : आता सेवानिवृत्ती निधी संस्था EPFO नं मे महिन्यात 16.8 लाख नवीन सदस्य जोडले आहेत, जे एका वर्षापूर्वीच्या याच कालावधीत नोंदणीकृत 9.2 लाखांपेक्षा जवळपास 83 टक्के अधिक आहेत, असं कामगार मंत्रालयानं बुधवारी प्रसिद्ध केलेल्या अधिकृत आकडेवारीत म्हटलंय. महिन्यातील नवीन नोंदणी गेल्या आर्थिक वर्षातील मासिक सरासरीपेक्षा जास्त असल्याचंही त्यांनी सांगितलंय.
EPFO च्या तात्पुरत्या वेतनश्रेणीच्या डेटामध्ये मे 2021 मधील निव्वळ सबस्क्रिप्शनच्या तुलनेत मे महिन्यात 7.6 लाख सदस्यांची वाढ झालीय. या वर्षी मे महिन्यात जोडलेल्या एकूण 16.8 लाख सदस्यांपैकी जवळपास 9.60 लाख सदस्यांच्या कक्षेत समाविष्ट करण्यात आलंय. आकडेवारीनुसार, 7.21 लाख सदस्य सेवानिवृत्ती निधीतून बाहेर पडले. परंतु, आस्थापनांमधील नोकर्‍या बदलल्यानंतर, EPFO मध्ये पुन्हा सामील झाले आणि अंतिम PF काढण्यासाठी अर्ज करण्याऐवजी त्यांचा निधी अंतर्गत हस्तांतरित केला. वेतनश्रेणी डेटाची वयोनिहाय आकडेवारी दर्शवते की, 22-25 वयोगटातील वयोगटानं मे महिन्यात 4.33 लाख सदस्यांनी आपली नावनोंदणी केलीय.
दरम्यान, भविष्य निर्वाह निधीतील गुंतवणुकीवर अधिक व्याज दर मिळण्याची शक्यता आहे. भविष्य निर्वाह निधी संघटना मोठा निर्णय घेण्याच्या तयारीत आहे. EPFO नं वर्ष 2021-22 या आर्थिक वर्षासाठी व्याज दर 8.5 टक्क्यांनी घटवून 8.1 टक्के इतका केला होता. त्यावेळी मोठी टीका झाली होती. आता पीएफ गुंतवणूकदारांना अधिक व्याज देण्यासाठी EPFO शेअर बाजारातील गुंतवणूक वाढवण्याच्या तयारीत आहे. सध्या EPFO कडून शेअर बाजारात 15 टक्के गुंतवणूक केली जाते. आता ही मर्यादा 20 टक्क्यांवर नेण्यात येण्याचा प्रस्ताव आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
