अशनीर ग्रोव्हर यांना झटका; 'भारत पे'नं सर्व पदांवरुन केली हाकालपट्टी

नवी दिल्ली : भारत पे नं अशनीर ग्रोव्हर यांना बुधवारी मोठा झटका दिला. सहसंस्थापक आणि व्यवस्थापकीय संचालक असलेल्या अशनीर ग्रोव्हर यांची कंपनीतील सर्व पदांवरुन हटवण्यात आलं आहे. फायनान्स आणि तंत्रज्ञान क्षेत्रातील या कंपनीने ग्रोव्हर आणि कुटुंबियांवर कंपनीच्या निधीचा गैरवापर केल्याचा आरोप केला आहे. (BharatPe removes co founder and MD Ashneer Grover from all positions in company)

भारत पे नं आपल्या निवेदनात म्हटलं की, ग्रोव्हर आणि कुटुंबियांविरोधात कायदेशीर कारवाईचा अधिकार सुरक्षित आहे. पण अद्यापही आम्ही ग्रोव्हर यांच्या राजीनाम्यावर शांत आहोत. भारत पे च्या पतला धक्का पोहोचेल अशी कुठलीही कृती करण्यास ग्रोव्हर कुटुंबाला परवानगी नाही. पण तरीही त्यांनी असा प्रयत्न केल्यानं अरनीश ग्रोव्हर हे आता कंपनीचे कर्मचारी असणार नाहीत. तसेच ते संस्थापक किंवा संचालक म्हणूनही काम पाहणार नाहीत, त्यांना कंपनीनं सर्व पदावरुन मुक्त केलं आहे, असं भारत पेनं आपल्या निवेदनात म्हटलं आहे.