तुमच्याही घरात मुलगी असेल तर तिच्या शिक्षणासाठी, लग्नासाठी पैशांची गरज असते. पण सरकारच्या एका योजनेअंतर्गत तुम्ही ही आर्थिक गरज सरज भागवू शकता. यासाठी तुम्हाला सुकन्या समृद्धी योजनेत गुंतवणूक करावी लागेल. सुकन्या समृद्धी योजनेअंतर्गत 10 वर्षांपेक्षा कमी वयाच्या मुलीसाठी खातं उघडता येतं. तुम्ही दिवसाला 100 रुपये वाचवून 15 लाख रुपये आणि दररोज 416 रुपये वाचवून 65 लाख रुपये कमवू शकता, जे तिच्या चांगल्या भविष्यासाठी उपयुक्त आहेत.
काय आहे सुकन्या समृद्धी योजना?
सुकन्या समृद्धी योजना (SSY) ही केंद्र सरकारची मुलींसाठी असलेली अल्प बचत योजना आहे. बेटी बचाओ-बेटी पढाओ योजनेअंतर्गत हा उपक्रम हाती घेण्यात आलाय. सुकन्या ही लघु बचत योजनेतील सर्वोत्तम व्याजदर योजना आहे.
खातं कसं उघडायचं?
या योजनेत कोणतीही व्यक्ती आपल्या दोन मुलींसाठी खाते उघडू शकते. सुकन्या समृद्धी योजनेंतर्गत खाते 10 वर्षे वयाच्या आधी मुलीच्या जन्मानंतर 250 रुपयांच्या ठेवीसह उघडले जाऊ शकते.
खातं कुठे उघडलं जाईल?
सुकन्या समृद्धी योजनेअंतर्गत खाते कोणत्याही पोस्ट ऑफिस किंवा व्यावसायिक शाखेच्या अधिकृत शाखेत उघडता येते. वयाच्या २१व्या वर्षी मुली खात्यातून पैसे काढू शकतात.
किती गुंतवणूक करू शकता?
चालू आर्थिक वर्षात सुकन्या समृद्धी योजनेअंतर्गत तुम्ही वर्षाला जास्तीत जास्त 1.5 लाख रुपये जमा करू शकता. सध्या त्यावर 7.6 टक्के व्याज मिळत आहे. या योजनेत 9 वर्षे 4 महिन्यात रक्कम दुप्पट होईल.
जाणून घ्या 65 लाख रुपये कसे मिळवायचे
तुम्ही या योजनेत दरमहा 3000 रुपये म्हणजेच वार्षिक 36,000 रुपये गुंतवल्यास तुम्हाला 14 वर्षांनंतर 7.6 टक्के वार्षिक चक्रवाढ दराने 9,11,574 रुपये मिळतील.
21 वर्षे म्हणजेच मॅच्युरिटीवर ही रक्कम सुमारे 15,22,221 रुपये असेल. म्हणजेच, जर तुम्ही दररोज 100 रुपये वाचवून ते जमा केले तर तुम्ही मुलीसाठी 15 लाख रुपयांचा निधी तयार करू शकता.
त्याच वेळी, दररोज 416 रुपयांपर्यंत बचत करून, तुम्ही 65 लाख रुपये जोडू शकता.
हे खातं किती दिवस चालणार?
सुकन्या समृद्धी योजनेत खाते उघडल्यानंतर, मुलगी 21 वर्षांची होईपर्यंत किंवा 18 वर्षांची झाल्यानंतर तिचे लग्न होईपर्यंत ते सुरू ठेवता येते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.