देशातील असंघटित क्षेत्रातील कामगार आणि मजुरांना एकत्र आणण्यासाठी ई-श्रम कार्ड योजना सुरू करण्यात आली आहे. या योजनेअंतर्गत केंद्र सरकार मजूर आणि कामगारांना आर्थिक मदत करते. कामगार आणि रोजगार मंत्रालयाने विकसित केलेल्या ई-श्रम पोर्टलवर आतापर्यंत 28.42 कोटी लोकांची नोंदणी झाली आहे.
आर्थिक मदतीव्यतिरिक्त, या योजनेअंतर्गत केंद्र सरकारकडून 2 लाख रुपयांच्या अपघात विम्याचा लाभ दिला जातो. देशातील सर्व मजूर जसे की फेरीवाले, भाजी विक्रेते, घरगुती कामगार तसेच अल्पकाळ काम करणारे तरुण ई-श्रम कार्ड योजनेचा लाभ घेऊ शकतात. दुसरीकडे, जर कोणी कर भरत असेल किंवा व्यावसायिक असेल तर त्याला याचा लाभ दिला जाणार नाही.
हेही वाचा : Digital Rupee India : देशाचे नवे पर्यायी चलन ‘डिजिटल रुपी’
ई-श्रम कार्डचे फायदे काय आहेत?
ई-लेबर पोर्टलवर नोंदणी केल्यानंतर काही दिवसांनी मजूर आणि कामगारांचे कार्ड बनवले जाते. या पोर्टल अंतर्गत देशातील सर्व मजुरांना एका व्यासपीठावर जोडले जात आहे. या कारणास्तव, केंद्र सरकारने भविष्यात कोणतीही योजना सुरू केल्यास या पोर्टलच्या मदतीने नोंदणीकृत कामगार आणि मजुरांना त्याचा लाभ दिला जाईल.
त्यावर नोंदणी करणाऱ्यांना सध्या दोन लाख रुपयांचा अपघात विमा दिला जात आहे. ई-श्रम पोर्टलवर नोंदणीकृत असंघटित क्षेत्रातील कामगारांना 2 लाख रुपयांचे अपघात विमा संरक्षण दिले जाते. समजा अपघातात कामगाराला जीव गमवावा लागला तर 2 लाख रुपये दिले जातात . कामगार अंशतः अपंग असल्यास त्याला एक लाख रुपयांची मदत मिळते.
असंघटीत कामगार :
देशाच्या कोणत्याही कोपऱ्यात काम करणारे असंघटित क्षेत्रातील कामगार ई-श्रम कार्डसाठी अर्ज करू शकतात. बांधकाम क्षेत्रातील कामगार, स्थलांतरित मजूर, फेरीवाले, घर कामगार, स्थानिक रोजंदारी कामगारांसह, भूमिहीन शेतमजूर व इतर काही असंघटित कामगारांची नोंदणी या संकेतस्थळावर करता येणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
