आठवड्याच्या सुरुवातीला सेन्सेक्स आणि निफ्टीमध्ये किंचित घसरण

Todays Share Market News : आठवड्याच्या सुरुवातीला शेअर बाजारात किंचित घसरण दिसून आली. सेन्सेक्स ६७.०९ अंकांनी म्हणजेच ०.०९ टक्क्यांनी घसरला व ५२,८६०.१५ अंकांवर स्थिर होत बाजार सुरू झाला. निफ्टी १९.१० अंकांनी म्हणजेच ०.१२ टक्क्यांनी वधारला व १५,७५२.४० अंकांवर स्थिर झाला.

दोन आठवड्यांपूर्वी पहिल्याच दिवशी सेन्सेक्स १००० अंकांनी कोसळला होता. त्यानंतर गेल्या आठवड्याच्या प्रारंभीस सेन्सेक्स आणि निफ्टीचे अंक वधारले होते. या आठवड्याच्या प्रारंभीस मात्र स्थिती बदलली. (Todays Stock Market Updates)

गेल्या काही आठवड्यांच्या घसरणीनंतर मागच्या आठवड्यात बाजार हिरव्या रंगात बंद झाल्याचे कोटक सिक्युरिटीजचे श्रीकांत चौहान यांनी सांगितले. यातऑटो सेक्टरने महत्त्वाची भूमिका बजावली, तसेच वस्तूंच्या किमतीतही सुधारणा झाली आहे. दुसरीकडे, बीएसई मेटल, बीएसई एनर्जी आणि बीएसई ऑइल अँड गॅसने तुलनेने कमजोर प्रदर्शन केले.

दुसरीकडे, विंडफॉल टॅक्सच्या बातम्यांमुळे एनर्जी शेअर्समध्ये बरीच घसरण दिसली. एनर्जी इंडेक्स जवळपास 4 टक्क्यांनी घसरला. सर्वात जास्त दबाव पीएसई, मेटल शेअर्सवर होता, त्यानंतर एफएमसीजी, रियल्टी, फार्मा शेअर्सवर सर्वाधिक दबाव दिसून आला. बँकिंग शेअर्समध्ये रिकव्हरी दिसली.