Gold-Silver Price Today: गुढीपाडव्याआधी सोनं स्वस्त; जाणून घ्या नवे दर

Gold Silver price on 30th march 2022 : सोन्याच्या दरात नियमित चढउतार होत असतात. आज म्हणजेच 30 मार्च रोजी देशात सोन्याच्या दरात घसरण झाली आहे. देशात 22 कॅरेट 10 ग्रॅम सोन्याची किंमत 47,750 आहे. काल ही किंमत 47,950 होती. म्हणजेच 10 ग्रॅममागे 200 रुपयांची घट झाली आहे.

24 कॅरेट सोन्याची किंमत-

देशात 24 कॅरेट सोन्याचा प्रतितोळा भाव आज 52,100 रुपये आहे. कालच्या दिवशीही ही किंमत 52,310 रुपये होती. या किमतीमध्ये GST, TCS आणि इतर शुल्क समाविष्ट नाहीत. अचूक दरांसाठी तुमच्या स्थानिक ज्वेलरशी संपर्क साधा.

चांदीच्या दरातही घसरण-

चांदीच्या दराबाबत बोलायचे झाले तर चांदीच्या दरात किंचित घट झाली आहे. आज एक किलो चांदीचा दर 68,000 आहे. त्याच वेळी, ही किंमत काल 68,400 होती. म्हणजेच चांदीच्या दरात किलोमागे 400 रुपयांची घट झाली आहे.

सोन्याची शुद्धता कशी जाणून घ्यावी-

सोन्याची शुद्धता ओळखण्यासाठी आयएसओ (इंडियन स्टँडर्ड ऑर्गनायझेशन) द्वारे हॉल मार्क दिले जातात. 24 कॅरेटवर 999, 23 कॅरेटवर 958, 22 कॅरेटवर 916, 21 कॅरेटवर 875 आणि 18 कॅरेटवर 750 लिहीलेलं असतं. बहुतेक सोने 22 कॅरेटमध्ये विकले जाते, तर काही लोक 18 कॅरेट देखील वापरतात. सोने 24 कॅरेट पेक्षा जास्त विकलं जातं. कॅरेट जितके जास्त असेल तितके अधिक शुद्ध सोने म्हटले जाते.

22 आणि 24 कॅरेटमध्ये काय फरक आहे?

24 कॅरेट सोने 99.9% शुद्ध आहे आणि 22 कॅरेट अंदाजे 91% शुद्ध असतं. 22 कॅरेट सोन्यात तांबे, चांदी, जस्त यांसारख्या 9% इतर धातूंचे मिश्रण करून दागिने तयार केले जातात. 24 कॅरेट सोने शुद्ध असले तरी त्याचे दागिने बनवता येत नाहीत. त्यामुळे बहुतेक दुकानदार 22 कॅरेटमध्ये सोने विकतात.

हॉलमार्क (Hallmark)-

सोने खरेदी करताना लोकांनी त्याची गुणवत्ता लक्षात घेतली पाहिजे. हॉलमार्क चिन्ह पाहिल्यानंतरच खरेदी करावी. सोन्याची सरकारी हमी असते, ब्युरो ऑफ इंडियन स्टँडर्ड्स (BIS) हॉलमार्क ठरवते. हॉलमार्किंग योजना ब्यूरो ऑफ इंडियन स्टँडर्ड्स अॅक्ट, नियम आणि नियमन अंतर्गत कार्य करते.