शेअर बाजाराला मोजणारी फूटपट्टी ‘सेन्सेक्स’वर लवकरच हिमालयाच्या दुप्पट उंचीएवढा अंक दिसू लागण्याची शक्यता आहे. मात्र, याचवेळी स्वारी त्याच्या स्वधर्मानुसार तेवढ्याच वेगाने माघारी फिरण्याची शक्यता नाकारता येत नाही.
काही लक्षणावरून बाजाराची चाल थोड्या प्रमाणात ओळखता येऊ शकते. तेजी, मंदी ही इंग्रजी ‘यू’, ‘व्ही’ किंवा ‘डब्ल्यू’ या आकारात असते. हल्ली तेजी ‘व्ही’ आकारात चालू आहे. तेजी, मंदी ओसरण्याची चिन्हे कोणती, हे जाणून घेण्याचा हा अल्पसा प्रयत्न.
तेजी सरण्याची चिन्हे
शेअर बाजार वाढताना मंद गतीने वाढत असतो. शेवटी शेवटी गती वाढते आणि मंदीची लक्षणे दिसू लागतात. परंतु, मंदी येईलच, असे नाही. बाजार स्थिर किंवा परत तेजी पकडू शकतो. चंचलता हा बाजाराचा स्वभाव आहे.
मंदी ओसरण्याची चिन्हे
जशी तेजीची जागा मंदी घेऊ लागते, तशी रोकडीचे महत्त्व वाढत जाते. बाजार घसरेल म्हणून नागरिक शेअर तोट्यात विकू लागतात. एका शेअरमधून दुसऱ्या शेअरमध्ये जातात. मंदीने तळ गाठलेला असताना तेजीची चाहूल लागू लागते.
सर्वसाधारण तेजी जास्त काळ टिकते आणि मंदी कमी वेळ. कारण बहुतेकांना तेजी आवडत असते. गुंतवणूकदार आपली प्यादी पुढे-मागे सरकवत असतात. काहींचा खिसा भरत असतो, बऱ्याच जणांचा मात्र रिकामा होत असतो. मात्र, ब्रोकर मंडळीचे मीटर चालू असते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.