मुंबई : उद्या इन्कम टॅक्स रिटर्न भरण्याची शेवटची तारीख म्हणजेच ३१ जुलै आहे. जर तुम्ही अद्याप रिटर्न भरला नसेल तर हे काम त्वरित करा, अन्यथा तुम्हाला दंड भरावा लागू शकतो.
आयकर विभागाने अद्याप मुदत वाढवण्याचे कोणतेही संकेत दिलेले नाहीत. तथापि, आयटीआर भरणाऱ्या लोकांची संख्या पाहता, काही तज्ज्ञांचा अंदाज आहे की ही मुदत वाढवली जाऊ शकते. त्याच वेळी, काही तज्ज्ञ म्हणतात की अंतिम मुदत वाढवण्याची शक्यता कमी आहे.
इन्कम टॅक्स इंडियाच्या सोशल मीडिया अकाउंटवर दिलेल्या माहितीनुसार, २८ जुलैपर्यंत ४०९ कोटी युजर्सनी आयटीआर दाखल केला आहे. यापैकी सुमारे ३६ लाख वापरकर्त्यांनी २८ जुलै रोजी आयटीआर दाखल केला आहे.
तज्ज्ञ काय म्हणतात :
ऑप्टिमा मनी मॅनेजर्सचे एमडी आणि सीईओ पंकज मठपाल म्हणतात, "एक वर्षापूर्वी, आयटीआर फाइल करणाऱ्यांची एकूण संख्या ६.६८ कोटी होती. त्याच वेळी, सप्टेंबर २०२१पर्यंत, आयटीआर फाइल करणाऱ्यांची एकूण संख्या सुमारे ५.७० कोटी होती.
जर आपण २८ जुलै २०२२पर्यंत दाखल केलेल्या एकूण आयटीआरच्या संख्येशी तुलना केली तर फरक सुमारे १.७ कोटी इतका येतो. हा खूप मोठा फरक आहे, त्यामुळे आयटीआर दाखल करण्याची अंतिम मुदत विचारात घेतली जाऊ शकते."
त्याच वेळी, ट्रान्ससेंड कॅपिटल येथील वेल्थचे संचालक कार्तिक झवेरी म्हणाले, "आयटी विभागाच्या संदेशात असे लिहिले आहे की 28 जुलै रोजी दाखल केलेल्या आयटीआरची एकूण संख्या सुमारे 36 लाख आहे. 31 जुलैपर्यंत ही संख्या सहजपणे 5 कोटींचा आकडा पार करू शकते.
दरवर्षीप्रमाणे यंदाही शेवटच्या क्षणी रिटर्न फायलींच्या संख्येत मोठी वाढ झाली आहे. असे झाल्यास हा आकडा 5.35 कोटी ते 5.5 कोटींच्या आसपास येईल. अशा परिस्थितीत मुदत वाढण्याची शक्यता कमीच आहे."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
