पंतप्रधान नरेंद्र मोदींच्या कार्यकाळात ४२ टक्क्यांनी रुपयाची झाली घसरण

भारतीय रुपया डॉलरच्या तुलनेत रोज नीचांकी पातळीवर जात आहे. स्वातंत्र्यानंतरचा हा सर्वात मोठा नीचांक आहे असे मानले जात आहे. नरेंद्र मोदी २०१४ ला ज्यावेळी पंतप्रधान झाले त्यावेळी आरबीआयच्या आकडेवारीनुसार डॉलरच्या तुलनेत रुपया ५८.५८ या स्थानावर होता. परंतु आज २०२२ मध्ये डॉलर ८३.१२ या नीचांकी स्थानावर पोहोचला आहे.

केंद्रीय अर्थमंत्री निर्मला सितारमण यांनी काही दिवसांपुर्वी 'रूपया कमजोर होत नसून डॉलर मजबूत होत आहे,' असे वक्तव्य केले होते. त्यावेळी विरोधकांनी भाजपवर कडाडून टीका केली होती.

डॉलरच्या तुलनेत रुपया घसरण्याचं महत्वाचं कारण म्हणजे परदेशी गुंतवणुकदार मोठ्या प्रमाणवर भारतातील गुंतवणुक काढून घेत आहेत. विदेशी पोर्टफोलिओ गुंतवणूकदारांनी गेल्या सहा महिन्यांत भारतातून सुमारे 2,320 अब्ज रुपये काढले आहेत. परकीय गुंतवणूकदारांचे पैसे काढून घेणे हे भारतात गुंतवणूक करणे सुरक्षित नसल्याचे लक्षण मानले आहे.