निर्देशांक स्थिर ; निफ्टी वाढला; सेन्सेक्स पडला

मुंबई : कोणत्याही ठोस संकेतांअभावी आज भारतीय शेअरबाजार (indian share market) साधारण स्थिर राहिले. आज सेन्सेक्स (sensex) 14 अंश घसरला तर निफ्टीमध्ये (nifty) 10 अंशांची वाढ झाली. सेन्सेक्स आज 56 हजारांच्या खालीच म्हणजे 55,944 अंशांवर राहिला तर निफ्टी 16,634 अंशांवर बंद झाला. काल 1,207 रुपयांनी वाढलेला बजाज फिनझर्व्ह (bajaj finserv) आज 578 रुपयांनी घसरून 15,896 रुपयांवर बंद झाला.

टीसीएस आज 47 रुपयांनी वाढून 3,659 रुपयांवर बंद झाला. रिलायन्स आज 2,202 रुपयांवर गेला. इन्फोसीस, नेस्ले, आयटीसी, हिंदुस्थान युनिलीव्हर, एचडीएफसी, एचसीएल टेक, इंडसइंड बँक या शेअर चे भावही वाढले. तर आज टायटन 46 रुपयांनी घसरला, मारुती 92 रुपयांनी (बंद भाव 6,715 रु.) पडला तर अल्ट्राटेक 73 रुपयांनी घसरून 7,383 रुपयांवर स्थिरावला. एलअँडटी 1,593 रुपयांवर आणि टाटा स्टील 1,390 रुपयांवर बंद झाला, बजाज ऑटो, महिंद्र आणि महिंद्र यांचेही भाव पडले.

आजचे सोन्याचांदीचे दर

सोने - 47,490 रु.

चांदी - 63,400 रु.