मुंबई : जागतिक बाजारांमधील (international market) प्रतिकूल वातावरणानंतरही भारतीय निर्देशांकांनी (share market) आपली आगेकूच आजही कायम ठेवली. सेन्सेक्स 145 (Sensex) अंशांनी तर निफ्टी (nifty) 33 अंशांनी वाढला. निफ्टीने आज प्रथमच साडेसोळा हजारांचा टप्पा गाठला. आज जागतिक बाजारांमध्ये प्रतिकूल वातावरण होते, त्यामुळे निर्देशांकांना फार मोठी भरारी मारता आली नाही. तरीही निफ्टीने साडेसोळा हजारांवर मजल मारली व तो दिवसअखेरीस 16,563 अंशांवर स्थिरावला. सेन्सेक्सही 55,582 अंशांवर बंद झाला.
टक्केवारीच्या हिशोबात टाटा स्टील सुमारे चार टक्के म्हणजे 57 रुपयांनी वाढून 1,519 रुपयांवर गेला. तर 224 रुपयांनी वाढलेला बजाज फायनान्स 6,376 रुपयांवर बंद झाला. महिंद्र आणि महिंद्रही (बंद भाव 799 रु.) 20 रुपयांनी वाढला. बजाज फिनसर्व्ह, रिलायन्स, हिंदुस्थान युनिलीव्हर, एचडीएफसी यांच्या दरातही एक ते पावणेदोन टक्का वाढ झाली. दुसरीकडे मारुती 170 रुपयांनी घटून 6,828 रुपयांपर्यंत घसरला. 78 रुपयांनी घसरलेला बजाज ऑटो 3,748 रुपयांपर्यंत खाली आला. स्टेट बँक, लार्सन टुब्रो (1,656), एअरटेल (633), इन्फोसिस (1,704) यांच्या दरांमध्ये घसरण झाली.
आशियाई बाजारांत घसरण
आशियाई देशांमध्ये कोरोनाचे रुग्ण वाढत असल्याने तसेच अफगाणिस्तानात तालिबानचे राज्य आल्याने आज चिंतेचे वातावरण होते. त्यामुळे आशिया-ऑस्ट्रेलियाच्या शेअर बाजारांमध्ये घसरण झाली. जपानचा निक्की निर्देशांक सुमारे दोन टक्के घसरला. तर ऑस्ट्रेलिया, हाँगकाँग व शांघाय येथील शेअर बाजारही कोलमडले. जपान, थायलँड व मलेशिया येथे मोठ्या संख्येने कोरोनाचे रुग्ण सापडत आहेत, व्हिएटनाम व फिलिपाईन्स येथील रुग्णांची संख्याही वाढत असल्याने तो चिंतेचा विषय झाला आहे. अफगाणिस्तानातील अस्थैर्याचे आशियावर काय परिणाम होतील ही चिंताही सर्वत्र असल्याने त्याचा परिणाम बाजारांवर झाला.
आजचे सोन्याचांदीचे दर
सोने - 46,980
चांदी - 62,700
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
