मुंबई : ओमायक्रॉनची (Omicron variant) भीती झुगारून आज जागतिक शेअरबाजारांनी (International share market) तेजी दाखविल्याने सेन्सेक्स (Sensex) 619.92 अंशांनी तर निफ्टी (Nifty) 183.70 अंशानी वाढला. जागतिक तेजीला भारतीय अर्थव्यवस्थेतील (Indian economy) सकारात्मक वातावरणाचे बळ मिळाल्याने भारतातील तेजीत भर पडली.
आज आशिया, युरोप आदी सर्वच शेअरबाजारांमध्ये वाढ दिसून आली. भारतातही चांगले जीडीपीचे आकडे, जीएसटी चे दुसरे उच्चांकी संकलन आणि वाहन उद्योगाची नोव्हेंबरमधील चांगली कामगिरी यामुळे आज गुंतवणुकदारांमध्ये उत्साहाचे वातावरण होते. आज केवळ औषधनिर्मिती कंपन्या मंदीत होत्या, बाकी सर्व क्षेत्रांच्या शेअरची जोरदार खरेदी झाली. त्यामुळे आज भारतीय शेअरबाजार निर्देशांक दिवसभर जवळपास आजच्या उच्चांकी स्तरावरच होते.
आज धातूनिर्मिती कंपन्या तसेच वित्तसंस्थांचे शेअर विशेष तेजीत होते. कालपर्यंत घसरण दाखवीत असलेला इंडसइंड बँक आज 50 रुपयांनी वाढून 934 रुपयांपर्यंत गेला. तर 46 रुपयांनी वाढलेला टीसीएस 3,578 रुपयांपर्यंत पोहोचला. अॅक्सीस बँक (679), स्टेटबँक (475), टेक महिंद्र (1,588), मारुती (7,274), रिलायन्स इंडस्ट्रीज (2,466), लार्सन अँड टुब्रो (1,786), टाटा स्टील व एचडीएफसी या शेअरचे भाव वाढले.
तर दुसरीकडे सोमवारी जवळपास 4900 चा टप्पा गाठलेल्या डॉ. रेड्डीज लॅबची घसरण तिसऱ्या दिवशीही सुरु राहिली. आज तो 73 रुपयांनी घसरून 4,607 रुपयांपर्यंत घसरला. सनफार्मा देखील 745 रुपयांवर आला, अल्ट्राटेक सिमेंट (7,324), एअरटेल, टायटन, कोटक, एशियन पेंट, महिंद्र आणि महिंद्र या शेअरचे भाव आज घसरले.
आजचे सोन्याचांदीचे भाव
सोने - 47,601 रु.
चांदी - 61,700 रु.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.