पोस्टात पैसे गुंतवलेत! ३१ मार्चपर्यंत करा हे काम

भारतात पैसे गुंतवणुकीचे अनेक पर्याय आहेत. त्यात अनेक लोकं पोस्ट ऑफिसमधील योजनांमध्ये गुंतवणूक करतात. किंवा त्यामध्ये पैसे गुंतवण्याची योजना करतात. तुम्ही पोस्ट ऑफिसच्या छोट्या बचत योजनांमध्येही गुंतवणूक केली असेल, तर तुम्हाला हे काम ३१ मार्च किंवा त्यापूर्वी पूर्ण करावे लागेल. अन्यथा, तुमचे व्याजाचे पैसेही अडकू शकतात.

पोस्ट ऑफिसच्या नियमांनुसार, राष्ट्रीय बचत मासिक उत्पन्न खाते (MIS), ज्येष्ठ नागरिक बचत योजना खाते (SCSS) आणि टाइम डिपॉझिट यांसारख्या लहान बचत योजनांवर त्रैमासिक, मासिक आणि वार्षिक व्याज मिळविण्यासाठी आता बचत खाते असणे अनिवार्य केले आहे. त्यामुळे जर कोणी ही खाती लिंक केली नाही तर त्याच्या व्याजावर याचा परिणाम होऊ शकतो. त्या व्यक्तीचे नुकसान होऊ शकते.

पोस्ट विभागाने दिलेल्या आदेशांप्रमाणे , एमआयएस/एससीएसएस/टीडी (MIS/ SCSS/ TD) खात्यांवरील व्याज 1 एप्रिल 2022 पासून खातेधारकाच्या पीओ बचत खात्यात किंवा बँक खात्यात जमा केले जाईल, असे म्हटले आहे. पण, जर खातेदाराने 31 मार्चपूर्वी MIS/SCSS/TD खाती लिंक केली नाहीत, तर व्याजाचे पैसे त्याच्या बँक बचत खाते आणि पोस्ट ऑफिस बचत खात्यात पाठवले जाणार नाहीत. हे पैसे त्याला योजनेतील चेक किंवा क्रेडिटद्वारे दिले जाणार आहेत.

खाते लिंक करणे का गरजेचे?

- जमा केलेल्या व्याजावर बचत खात्यात जास्त व्याज मिळते.

- छोट्या बचत खात्यांमधून व्याजाचे पैसे काढू शकत नाही. पण, खाते लिंक झाल्यावर पैसे लगेच खात्यात जमा होतात.

- खात्यात पैसे जमा झाल्यावर तुम्ही ऑनलाइन पैसे सहज काढू शकता.

- योजनेतून पैसे काढताना अनेक कागदपत्रे जमा करावी लागतात. तसेच फॉर्म भरावा लागतो, त्यामुळे बचत होते.

- यामध्ये क्रेडिटचा पर्यायही निवडला जाऊ शकतो. त्याचा लोकांना फायदा होतो.