Home Loan interest Rate increased: महागाई नियंत्रणात ठेवण्यासाठी रिझर्व्ह बँकेने (RBI) नुकतीच रेपो दरात वाढ केली आहे. रेपो दरात वाढ झाल्याचा परिणाम बँका आणि हाउसिंग फायनान्सच्या व्याजदरावरही दिसून येत आहे. आता एलआयसी हाऊसिंग फायनान्स (LIC Housing Finance) म्हणजेच एलआयसी एचएफएलने निवडक कर्जदारांसाठी गृहकर्जावरील व्याजदरात 20 बेसिस पॉइंट्स म्हणजेच 0.20 टक्के वाढवून 6.7 टक्क्यांवरून 6.9 टक्के केला आहे.
13 मे पासून नवीन दर लागू-
एलआयसी हाउसिंग फायनान्सने एका निवेदनात म्हटले आहे की सुधारित व्याजदर शुक्रवारपासून लागू होतील. त्यात म्हटले आहे की, ज्या कर्जदारांचे CIBIL स्कोअर 700 किंवा त्याहून अधिक आहे, त्यांच्यासाठी दरातील वाढ केवळ 20 बेस पॉइंट्स किंवा 0.20 टक्क्यांपर्यंत मर्यादित आहे. ते म्हणाले की, ज्या ग्राहकांचा CIBIL स्कोअर 700 पेक्षा कमी आहे, त्यांच्यासाठी कमाल 25 बेसिस पॉइंट्सची वाढ होणार आहे, नवीन ग्राहकांसाठी ती 40 बेसिस पॉइंट्स असेल.
RBI ने रेपो दर वाढवल्याचा परिणाम
एलआयसी एचएफएलचे व्यवस्थापकीय संचालक आणि मुख्य कार्यकारी अधिकारी वाय विश्वनाथ गौडा म्हणाले, “आरबीआयने प्रदीर्घ काळानंतर रेट वाढवले आहेत आणि त्याचा परिणाम सर्व कर्जदारांवर दिसून येत आहे. गृहखरेदीदारांच्या अपेक्षा लक्षात घेऊन आम्ही गृहकर्जाचे दर स्पर्धात्मक ठेवले आहेत.
गृहकर्ज घेणे महागणार, HDFC ने कर्जदरात वाढ केली-
देशातील आघाडीच्या गृहनिर्माण कर्जदार HDFC लिमिटेडने 1 मे 2022 रोजी आपल्या बेंचमार्क कर्ज दरात 0.05 टक्क्यांनी वाढ केली आहे. यामुळे कंपनीकडून कर्ज घेतलेल्या विद्यमान ग्राहकांसाठी मासिक हप्ता (EMI) वाढेल. नवे दर १ मेपासून लागू झाले आहेत. मात्र, नवीन ग्राहकांसाठी दर बदललेले नाहीत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
