नवी दिल्ली: देशातील सर्वात मोठी कार कंपनी मारुती सुझुकी इंडियासाठी (MSI) 2020 चा ऑक्टोबर महिना चांगला गेला आहे. ऑक्टोबर महिन्यातील कंपनीच्या कारच्या विक्रींचा आकडा मागील वर्षाच्या तुलनेत 19 टक्क्यांनी तर सप्टेंबरच्या तुलनेत 20 टक्क्यांनी वाढला आहे. तसेच दिवाळीच्या तोंडावर कंपनीच्या कारचे विक्रीचे प्रमाण वाढणार असल्याचे मतही तज्ज्ञांनी व्यक्त केले आहे.
मारुती सुझुकीची ऑक्टोबर महिन्यात 18.9 टक्क्यांनी विक्री वाढून 1,82,448 यूनिट्सवर पोहचली आहे. मागील वर्षी याच महिन्यात कंपनीने 1,53,435 गाड्या विकल्या होत्या. तर सप्टेंबर महिन्यात कंपनीच्या 1,52,608 गाड्या विकल्या गेल्या आहेत.
कंपनीकडून जाहीर केलेल्या निवेदनात भारतीय बाजारपेठेत 19.8 टक्क्यांची वाढ होऊन 1,72,862 यूनिट्सवर गेली आहे, जी ऑक्टोबर 2019 मध्ये 1,44,277 यूनिट्स होती.
कंपनीच्या मिनी कारची ऑल्टो आणि एक्सोपोची विक्री ऑक्टोबरमध्ये 28,462 युनिटपर्यंत घसरली, जी वर्षभरापूर्वी याच महिन्यात 28,537 युनिटवर होती. कॉम्पॅक्ट सेगमेंट स्विफ्ट, सेलेरियो, इग्निस, बलेनो आणि डिजायरची विक्री 19.2 टक्क्यांनी वाढून 95,067 युनिटवर पोहोचली, जी ऑक्टोबर 2019 मध्ये 75094 युनिटवर होती.
ऑक्टोबरमध्ये सियाज मॉडेलची विक्री 40 टक्क्यांनी घसरून 1422 युनिट झाली, जी गेल्या वर्षी याच महिन्यात 2371 युनिटवर होती. तसेच कंपनीच्या विटारा ब्रेजा, एस-क्रॉस आणि एर्टिगा या युटिलिटी वाहनांची विक्रीत 9.9 टक्क्यांनी वाढ होऊन 23,108 युनिटवरून 25,396 युनिटवर पोहोचली. ऑक्टोबरमध्ये कंपनीची निर्यात 4.7 टक्क्यांनी वाढून 9586 युनिट झाली, ती वर्षभरापूर्वी याच महिन्यात 9158 युनिटवर आली.
(edited by- pramod sarawale)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.