दर आठवड्याला भारतातील टॉप 10 कंपन्यांच्या मार्केट कॅपमध्ये घट आणि वाढीची आकडेवारी जाहीर केली जाते. कंपन्यांच्या मार्केट कॅपमधील घसरण देशांतर्गत शेअर बाजारावर अवलंबून असते. या आठवड्यात 10 पैकी 7 कंपन्यांनी 1 लाख कोटी रुपयांचा नफा कमावला आहे. गेल्या आठवड्यात 7 कंपन्यांनी बाजार मूल्यांकनात 1,33,707.42 कोटी रुपयांची भर घातली आहे.
मुकेश अंबानींची रिलायन्स इंडस्ट्रीज इक्विटी शेअर मार्केटमध्ये अव्वल स्थानावर असून एका आठवड्यात सर्व कंपन्यांपेक्षा जास्त नफा कमावला आहे. त्यापाठोपाठ टाटा कन्सल्टन्सी सर्व्हिसेस (TCS), HDFC बँक, इन्फोसिस, स्टेट बँक ऑफ इंडिया, HDFC आणि ITC यांचा क्रमांक लागतो. तर ICICI बँक, हिंदुस्तान युनिलिव्हर लिमिटेड आणि भारती एअरटेल यांना मार्केट कॅपमध्ये तोटा झाला आहे.
हेही वाचा : भारतीय महिलांचा सुरक्षित गुंतवणुकीकडेच का असतो ओढा?
रिलायन्स इंडस्ट्रीजचे बाजार भांडवल (MCAP) रु. 44,956.5 कोटींनी वाढून रु. 17,53,888.92 कोटी झाले आहे. तर HDFC बँकेने रु. 22,139.15 कोटी कमावले असून, तिचे मूल्यांकन रु. 8,34,517.67 कोटी झाले आहे. दुसरीकडे, स्टेट बँक ऑफ इंडियाचे बाजारमूल्य 20,526.61 कोटी रुपयांनी वाढून 5,29,898.82 कोटी रुपये झाले आहे आणि TCSचे बाजारमूल्य 19,521.04 कोटी रुपयांनी वाढून 11,76,860.69 कोटी रुपये झाले आहे.
HDFC चे मार्केट कॅप 16,156.04 कोटी रुपयांनी वाढून 4,52,396.31 कोटी रुपये आणि ITC चे मार्केट कॅप 9,861.07 कोटी रुपयांनी वाढून 4,38,538.73 कोटी रुपये झाले. त्याच वेळी, इन्फोसिसचे मूल्यांकन 547.01 कोटी रुपयांनी वाढून 6,37,023.14 कोटी रुपये झाले आहे.
याउलट, आयसीआयसीआय बँकेचे एम-कॅप 1,518.27 कोटी रुपयांनी घसरून 6,31,314.49 कोटी रुपये आणि हिंदुस्थान युनिलिव्हरचे 1,186.55 कोटी रुपयांनी 5,92,132.24 कोटी रुपये झाले. याशिवाय दूरसंचार कंपनी भारती एअरटेलचा एमकॅप 222.53 कोटींनी घसरून 4,54,182.23 कोटींवर आला आहे.
रिलायन्स इंडस्ट्रीज ही देशांतर्गत सर्वात मौल्यवान कंपनी आहे. त्यापाठोपाठ टीसीएस, एचडीएफसी बँक, इन्फोसिस, आयसीआयसीआय बँक, हिंदुस्थान युनिलिव्हर, स्टेट बँक ऑफ इंडिया, भारती एअरटेल, एचडीएफसी आणि आयटीसी यांचा क्रमांक लागतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
