पॅन आधारशी असं करा लिंक; उद्या शेवटचा दिवस

नवी दिल्ली : देशभरातील नागरिकांसाठी पॅन कार्ड हे आधार कार्डशी लिंक करणे बंधनकारक करण्यात आलं आहे. जर तुम्ही अजूनही तुमचं पॅन कार्ड (Permanent Account Number) तुमच्या आधार कार्डशी (Aadhaar Card) लिंक केलं नसेल, तर ते लवकर लिंक करून घ्या. कारण पॅन आधारशी लिंक करण्यासाठी ३१ मार्च २०२१पर्यंत मुदत देण्यात आली आहे. त्यामुळे तुमच्याकडे फक्त एकच दिवस शिल्लक राहिला आहे. 

इन्कम टॅक्स भरणाऱ्या प्रत्येक भारतीय नागरिकासाठी हे अत्यंत महत्त्वाचे आहे. जर तुम्ही आधार लिंक केलं नसेल तर तुम्हाला १ हजार रुपयांपर्यंत दंडही आकारण्यात येणार आहे. केंद्र सरकारने पॅन कार्ड आधारशी जोडण्यासाठी अनेकवेळा मुदत वाढवली आहे. त्यामुळे आता मुदतवाढ मिळेल की नाही, याबाबत काही माहिती समोर आलेली नाही. त्यामुळे दंड भरण्यापेक्षा आधार लिंक करून घ्या. नाहीतर तुमचं पॅन क्रमांकदेखील अवैध ठरवला जाणार आहे.

- ‘इसॉप’नीती आणि कर्मचारी

पॅन आधार असं करा लिंक

पहिली पद्धत

- सर्वप्रथम ई-फायलिंगच्या वेबसाईटवर जा. 
- त्यानंतर तुमच्या आधार कार्डवर जसं नाव आहे, तसं नाव, पॅन कार्ड नंबर आणि आधार कार्डचा नंबर भरा. 
- जन्मतारखेचा उल्लेख असेल तर स्क्वॉयर टिक करा. 
- त्याठिकाणी आलेला कॅप्च कोड भरा. आणि ओटीपीसाठीची रिक्वेस्ट पाठवा. तुम्ही नोंदणी केलेल्या मोबाईल नंबरवर ओटीपी येईल. 
- आधार लिंक पर्याय निवडा. 

दुसरी पद्धत
- UIDPAN १२ अंकी आधार क्रमांक लिहा.
- त्याखाली १० अंकी पॅन कार्ड नंबर लिहा.
- हा मेसेज ५६७६७८ किंवा ५६१६१ वर पाठवा. 

- Petrol Diesel Price - पेट्रोल डिझेलच्या दरात किरकोळ कपात

दरम्यान, गेल्या आठवड्यात केंद्र सरकारने लोकसभेत वित्त विधेयक २०२० मंजूर केले. यावेळी २३४ एच हे नवीन कलम समाविष्ट करण्यात आलं आहे. या अंतर्गत एखाद्या व्यक्तीने पॅन आधारशी न जोडल्यास एक हजार रुपयांपर्यंत शुल्क आकारण्यात येणार आहे. 

३१ मार्चपर्यंत पॅन आधारला लिंक न केल्यास दंड आकारला जाईल की नाही, तसेच त्यासाठी दंड आकारण्याची नेमकी रक्कम नमूद करण्यात आली नाही, तरीही सरकारने हे विधेयक संसदेत मंजूर करून घेतले. अधिसूचनेनंतर अंमलबजावणी करण्याच्या अधिकाराचा उल्लेख शासकीय राजपत्रात करण्यात आला आहे. 

- अर्थविश्वातील बातम्या वाचण्यासाठी येथे ► क्लिक करा

(Edited by: Ashish N. Kadam)