इंधनाचे दर प्रचंड वाढत असताना विविध राज्यातील सरकारकडून कर कपात केली जात आहे.
Petrol Diesel Prices : इंधन दरात वाढ झाल्यानं अलीकडच्या काळात सर्वत्र प्रवास भाडे वाढले होते. हवाई वाहतुकीलाही याचा फटका बसला. परंतु, कच्च्या तेलाच्या (Crude oil) दरात घसरण झाल्यानं तेल कंपन्यांनी हवाई इंधन दरात (Air Turbine Fuel) कपात केल्यानं ते आता 2.2 टक्क्यांनी स्वस्त झालं आहे. परिणामी, विमान प्रवास स्वस्त होऊ शकतो, अशी शक्यता व्यक्त केली जात आहे.
इंधनाचे दर प्रचंड वाढत असताना विविध राज्यातील सरकारकडून कर कपात (Tax Deduction) केली जात आहे. अशा स्थितीत तेल कंपन्यांकडूनही (Oil Companies) एटीएफमध्ये कपात केली गेल्यानं विमान प्रवाशांना दिलासा देणारी बातमी मिळू शकते. तर, दुसरीकडं कच्च्या तेलाचा भाव अनेक दिवसांपासून 100 डॉलरच्या जवळ आहे. गेल्या आठवडाभरापासून त्याचे दरही कमी होताना दिसत आहेत. अशा स्थितीत पेट्रोल आणि डिझेलच्या दरातही (Petrol Diesel Rates) घट होण्याची शक्यता आहे. तज्ञांचं म्हणणं आहे की, जर कच्चं तेल 100 च्या जवळ राहिलं तर किमती कमी होण्याची शक्यता कमी आहे.
कच्च्या तेलाच्या सततच्या घसरणीच्या पार्श्वभूमीवर, सरकारी मालकीच्या तेल कंपन्यांनी पेट्रोल आणि डिझेलचे किरकोळ दरही जाहीर केले आहेत. यामध्ये आज (रविवार) कोणताही बदल करण्यात आलेला नाहीय. दिल्लीत अजूनही पेट्रोल 96.72 रुपये प्रतिलिटर मिळत आहे. 6 एप्रिलपासून कंपन्यांनी त्याच्या किमती वाढवल्या नाहीयत. त्यामुळं आगामी काळात पेट्रोल आणि डिझेलचे दर स्थिर राहण्याची शक्यता आहे.
दिल्ली : पेट्रोल 96.72 रुपये आणि डिझेल 89.62 रुपये प्रति लिटर
मुंबई : पेट्रोल 109.27 रुपये आणि डिझेल 95.84 रुपये प्रति लिटर
चेन्नई : पेट्रोल 102.63 रुपये आणि डिझेल 94.24 रुपये प्रति लिटर
कोलकाता : पेट्रोल 106.03 रुपये आणि डिझेल 92.76 रुपये प्रति लिटर
नोएडा : पेट्रोल 96.79 रुपये आणि डिझेल 89.96 रुपये प्रति लिटर झाले आहे.
लखनौ : पेट्रोल 96.57 रुपये आणि डिझेल 89.76 रुपये प्रति लिटर झाले आहे.
पाटणा : पेट्रोल 107.24 रुपये आणि डिझेल 94.04 रुपये प्रति लिटर झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
