PM kisan चे तुम्ही लाभार्थी आहेत की नाही?; इथे घ्या जाणून

औरंगाबाद: PM Kisan Samman Nidhi: आज किसान सन्मान निधी अंतर्गत 9 वा हप्ता जारी केला गेला आहे. यापूर्वी शेतकऱ्यांना दोन हजार रुपयांचे 8 हप्ते देण्यात आले आहेत. देशभरातील 9.75 कोटींहून अधिक शेतकऱ्यांच्या खात्यात 19 हजार 500 कोटी रुपये हस्तांतरित करण्यात आले आहेत. या योजनेअंतर्गत 1 दिवसात भरली जाणारी ही सर्वात मोठी रक्कम आहे. जर अर्जामध्ये उशीर किंवा त्यात काही चूका असतील तर त्याचा लाभ मिळणार नाही, त्यामुळे तुमच्या अकाउंटचे स्टेटस चेक करून घ्या. जरी तुम्हाला एखाद्या माहितीअभावी हा हप्ता मिळाला नाही तर सरकारने यावरही उपायही सांगितले आहेत.

केंद्र सरकारने कमी जमीन असणारे आणि सीमांत शेतकऱ्यांना आर्थिक मदत देण्यासाठी प्रधानमंत्री किसान सन्मान निधी नावाची योजना सुरू केली आहे. या योजनेअंतर्गत पात्र शेतकऱ्यांना दरवर्षी 3 हप्त्यांमध्ये 6000 रुपये दिले जात आहेत. यासाठी सर्व माहिती pmkisan.gov.in या अधिकृत वेबसाइटवर देण्यात आली आहे. या योजनेअंतर्गत आतापर्यंत शेतकऱ्यांना 2000 रुपयांचे 8 हप्ते मिळाले आहेत. आता नववा हप्ताही शेतकऱ्यांच्या अकाउंटवर जमा केला आहे. मागील वेळेस 14 मे 2021 रोजी 9.5 कोटीपेक्षा जास्त शेतकऱ्यांच्या अकाउंटवर 19 हजार कोटी रुपये जमा करण्यात आले होते.

नाव यादीत आहे की नाही कसं पहायचं?

तुम्ही या योजनेसाठी नोंदणी केली असेल आणि तुम्हाला पुढला हप्ता मिळेल की नाही हे जाणून घ्यायचे असेल, तर तुम्ही पीएम किसान पोर्टलद्वारे (https://pmkisan.gov.in) ही माहिती मिळवता येऊ शकते. त्याचबरोबर, जर तुमचे नाव अद्याप नोंदणीकृत नसेल तर तुम्हाला तक्रार देखील करता येऊ शकते.

• पहिल्यांदा https://pmkisan.gov.in या वेबसाईटवर जावा.

• त्यानंतर वेबसाईट उघडल्यानंतर मेन्यू बारमध्ये पहा तिथं तुम्हाला ‘फार्मर कार्नर’ ऑप्शन दिसेल त्याच्यावर जावा.

• नंतर 'लाभार्थी सूची' यावर क्लिक करा.

• नंतर तुमचे राज्य, जिल्हा, तालुका, ब्लॉक आणि गावाचे नाव अशी माहिती भरा.

• त्यानंतर Get Report वर क्लिक केल्यानंतर तुम्हाला माहिती मिळेल.

• ज्या शेतकऱ्यांना या योजनेचा लाभ मिळाला आहे त्यांचे नाव यात आहे का नाही हे पाहता येते.