नवी दिल्ली: आरबीआयने (RBI) शुक्रवारी महत्त्वाच्या व्याजदरात कोणताही बदल केलेला नाही. आरबीआयच्या आर्थिक धोरण समितीने रेपो रेटमध्ये (Repo rate) कोणताही बदल न करता ४ टक्के रेपो रेट कायम ठेवला आहे. त्याचवेळी रिव्हर्स रेपो रेट ३.३५ टक्के कायम आहे. अर्थव्यवस्थेला बळकटी देण्याच्या दृष्टीने व्याजदरात कोणतेही बदल केलेले नाहीत.
कोरोनाच्या दुसऱ्या लाटेच्या परिणामातून अर्थव्यवस्था सावरेपर्यंत व्याजदर कमी ठेवणार असल्याचे आरबीआयचे गव्हर्नर शक्तीकांत दास यांनी सांगितले. सध्या देश चांगल्या स्थितीमध्ये असून अनेक आर्थिक निर्देशांकांमध्ये प्रगती झाल्याचे दास यांनी सांगितले. "आरबीआयने रेपो रेटमध्ये कोणताही बदल केला नाही. ४ टक्के रेपो रेट कायम ठेवला. अर्थव्यवस्थेतील अस्वस्थतता कमी करणं आणि विकासाला चालना देणं हा त्यामागे उद्देश आहे'' असे शक्तीकांत दास म्हणाले.
चांगला पाऊस आणि आर्थिक निर्देशांकांमध्ये झालेली सुधारणा यामुळे भविष्यात आर्थिक विकासाला चालना मिळेल, असे शक्तीकांत दास म्हणाले. सलग सातव्या तिमाहीत आरबीआयने महत्त्वाच्या व्याजदरात कोणताही बदल केलेला नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
