नवी दिल्ली : महाराष्ट्रातील आणखी एका सहकारी (Co-operative Bank ) बँकेवर रिझर्व्ह बँकेने कारवाई करत या बँकेचा परवाना रद्द करण्याचा आदेश दिला आहे. आरबीआयच्या (RBI) या निर्णयानंतर ग्राहकांना या बँकेच्या सुविधा आजपासून बंद करण्यात आल्या आहेत. दरम्यान, बँकेचा परवाना रद्द करण्याच्या निर्णयाचा फटका ग्राहकांना बसणार आहे. गेल्या वर्षी देखील या बँकेची आर्थिक स्थिती पाहता आरबीआयने यावर निर्बंध लावले होते. त्या निर्यणानुसार ग्राहक सहा महिने पैसे काढू शकत नव्हते. (RBI Ban On Co-operative Bank )
इंडिपेंडन्स को-ऑपरेटिव बँक लिमिटेड (Independence Co-operative Bank Ltd) असे परवाना रद्द करण्यात आलेल्या बँकेचे नाव असून, आरबीआयने याबाबत गुरुवारी नोटीफिकेशन जारी केले आहे. दरम्यान, कारवाई करण्यात आलेली सहकारी बँक नाशिक (Nashik) येथील असून, आरबीआयने ग्राहकांचे पैसे परत करण्यासंबंधीच्या सूचना देखील बँकेला दिल्या आहेत. त्यानुसार 99% खातेधारकांना त्यांची संपूर्ण रक्कम दिली जाणार आहे. बँकेच्या कारभारात काहीच सुधारणा न झाल्याने परवाना रद्द करण्याचा निर्णय घेण्यात आल्याचे आरबीआयने म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
