आजही शेअर बाजारातील तेजी कायम आहे. राष्ट्रीय शेअर बाजाराचा निर्देशांक निफ्टी आणि मुंबई शेअर बाजाराचा निर्देशांक सेन्सेक्स या दोन्ही निर्देशांकात वाढ नोंदवण्यात आली आहे. राष्ट्रीय शेअर बाजाराचा निर्देशांक निफ्टीमध्ये ११२ अंशांची तर मुंबई शेअर बाजाराचा निर्देशांक सेन्सेक्समध्ये ४५६ अंशांची उसळी दिसून आली. सेन्सेक्स ३३,७६० अंशांच्या पातळीवर व्यवहार करतो आहे. तर निफ्टी ९,९३८ अंशांच्या पातळीच्या वर व्यवहार करतो आहे.
हॉटेल, रेस्टांरंट, एफएमसीजी,विमानसेवा कंपन्या, यांच्या शेअरच्या किंमतीत वाढ झालेली दिसून आली. २५ मेपासून देशांतर्गत विमानसेवा सुरू करण्याचा निर्णय नागरी उड्डाण मंत्रालयाने जाहीर केला आहे. त्याचा सकारात्मक परिणाम विमानसेवा कंपन्यांच्या शेअरवर दिसून आला आहे. निफ्टी बॅंक आणि निफ्टी ऑटो निर्देशांकात बाजार सुरू झाल्यानंतर तेजी नोंदवण्यात आली. धातू क्षेत्रवगळता इतर सर्वच सेक्टोरेल निर्देशांकांनी तेजी नोंदवली आहे.
कच्च्या तेलाच्या किंमतींमध्येही तेजी नोंदवण्यात आली आहे. आंतरराष्ट्रीय बाजारात कच्च्या तेलाच्या किंमतीतसुद्धा वाढ झाली आहे. एमसीएक्सवर कच्चे तेल २७०६ रुपयांच्या पातळीवर व्यवहार करते आहे.
तर डॉलरच्या तुलनेत रुपयाच्या मूल्यात मात्र थोडी घसरण झाली आहे. डॉलरच्या तुलनेत रुपया ०.०१ रुपयांनी घसरला आहे. आंतरराष्ट्रीय चलन बाजारात डॉलरच्या तुलनेत रुपया ७५.५५ रुपये प्रति डॉलरवर व्यवहार करतो आहे.
* सेन्सेक्स ३३,७०० अंशांच्या पातळीवर
* निफ्टी ९,९०० अंशांच्या पातळीच्या वर
* निफ्टीमध्ये ११२ अंशांची उसळी
* सेन्सेक्समध्ये ४५६ अंशांची उसळी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.