शेअर बाजारात आज सलग दुसऱ्या दिवशी शेअर बाजारात खरेदीचा जोर दिसत आहे. सकाळच्या सत्रात सेन्सेक्स 300 अंकांनी वधारला आहे, तर निफ्टीही 100 अंकांनी वाढून ट्रेड करत आहे. आज आठवड्याच्या दुसऱ्या दिवशीही अतिशय सकारात्मक वातावरण दिसून आले आहे. आज शेअर बाजारात सेन्सेक्स 344 अंकाच्या तेजीसह 61,083 वर सुरू झाला तर निफ्टी 108 अंकाच्या तेजीसह 18,120 वर सुरू झाला. आज सेन्सेक्सने 60 हजारांचा टप्पा पार केला आहे.
आज कशी असेल बाजाराची स्थिती ?
निफ्टीने सोमवारी उच्च पातळीवर आपली रेंज शिफ्ट केल्याचे बीएनपी पारिबसचे गौरव रत्नपारखी म्हणाले. गेल्या आठवड्यापर्यंत, 17,800 ची पातळी रझिस्टंस म्हणून काम करत होती. मात्र, सोमवारी गॅप अप ओपनिंगसह इंडेक्सने हा रझिस्टंस पार केल्याचे ते म्हणाले. (Share Market)
निफ्टीने आता उच्च पातळीच्या पुढील रझिस्टंस झोनमध्ये प्रवेश केला आहे. हा झोन 18,000-18,100 च्या दरम्यान आहे. या वर्षी ऑगस्ट आणि सप्टेंबरमध्ये इंडेक्स या झोनजवळ घसरला. अशा स्थितीत निफ्टीमध्ये पुन्हा या पातळीवर सावध राहण्याची गरज आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
