बीजिंगमध्ये लॉकडाऊन लागण्याच्या भीतीचा परिणाम सोमवारी भारतीय शेअर बाजारावर दिसून आला. त्यामुळे बाजार सलग दुसऱ्या दिवशी घसरणीसह बंद झाला. सेन्सेक्स 617.26 अंकांनी म्हणजेच 1.08 टक्क्यांनी घसरून 56,579.89 वर बंद झाला. तर निफ्टी 218.00 अंकांनी अर्थात 1.27 टक्क्यांनी घसरून 16,953.95 वर बंद झाला.
वाढती महागाई, कच्चा तेलाच्या वाढत्या किंमती, शिवाय रशिया युक्रेन युध्दाच्या बिघडत्या परिस्थितीमुळे संपूर्ण जगाच्या बाजारावर नकारात्मक परिणाम दिसून येत असल्याचे असे जियोजित फायनान्शियल सर्व्हिसेजचे विनोद नायर म्हणाले. बीजिंगमध्ये वाढती कोरोना प्रकरणं चिंतेत टाकणारी असल्याचे ते म्हणाले.
आज कशी असेल शेअर बाजारातली स्थिती ?
निफ्टीने डेली चार्टवर मागचा गॅप भरून काढण्याचा प्रयत्न केला मात्र, या गॅपच्या वर विक्रीचा सामना करावा लागल्याचे शेरखानच्या गौरव रत्नपारखी यांचे म्हणणे आहे. तेव्हापासून बाजारात घसरण दिसून येत आहे. बाजारातील एकूण स्ट्रक्चरवर नजर टाकली तर शॉर्ट टर्ममध्ये बाजारात कमजोरी कायम राहील, पण जर निफ्टी 16,824 चा स्विंग मोडते तर ही पातळी 16,600 च्या वर जाऊ शकते असेही ते म्हणाले.
आजचे टॉप 10 शेअर्स कोणते ?
बजाज ऑटो (BAJAJAUTO)
एचडीएफसी बँक (HDFCBANK)
आयसीआयसीआय बँक (ICICIBANK)
ॲक्सिस बँक (AXISBANK)
एचडीएफसी (HDFC)
बाळकृष्ण इंडस्ट्रीज (BALKRISIND)
ऑरो फार्मा (AUROPHARMA)
गोदरेज प्रॉपर्टीज (GODREJPROP)
झी एन्टरटेन्मेंट लिमिटेड (ZEEL)
आरती इंडस्ट्रीज (AARTIIND)
नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
