या आठवड्याच्या सोमवारी शेअर बाजारात मोठी घसरण झाली होती. त्यानंतर बाजार सावरू लागला आहे.
शेअर बाजाराची (Share Market) दमदार सुरवात झालीय. मुंबई शेअर बाजाराचा निर्देशांक सेन्सेक्स (Sensex) 300 अंकांनी वधारुन 57,251 अंकावर सुरु झालाय. तसेच निफ्टी (Nifty) बाजार सुरु झाल्यावर 17 हजार निर्देशांक टप्पा ओलांडला. या आठवड्याच्या पहिल्या दिवशी म्हणजे सोमवारी शेअर बाजारात मोठी घसरण झाली होती, त्यानंतर शेअर बाजार हळूहळू सावरायला सुरवात झाला.
बुधवारी सेन्सेक्स (Sensex)611.55 अंकांनी म्हणजेच 1.09 टक्क्यांनी वधारला. शेअर बाजार 56,930.56 निर्देशांकावर बंद झाला होता. तसेच निफ्टी इंडेक्स 184.60 अंकांनी 1.10 अंकानी वधारला होता. त्याशिवाय बॅंक निफ्टीमध्येही 421 अंकानी वधारला होता.
शेअर बाजारामध्ये मेटल्स (Metals), एनर्जी (Energy), बंकिंग (Banking), ऑटो, फार्मा, एफएमसीजी क्षेत्रात चांगली सुरवात झाली. स्मॉलकॅप आणि मिडकॅप शेअरमधील स्टॉकचे शेअर दर चांगले वधारले आहेत. तसेच बॅंक निफ्टीमध्ये चांगली तेजी आहे. आरबीएल बॅंक, बंधन बॅंक, इंडसइंड बॅंकेच्या शेअरमध्ये तेजी दिसून येत आहे.
आज शेअर बाजारामध्ये फायजर, बिर्ला सॉफ्ट, Jubiliant Food, L&T Finance, IOC, Adani Ports, DLF, ONGC, LIC Housing Finance या शेअर च्या दरामध्ये वाढ झाली आहे. पॉवर ग्रिड, इंडिगो, सेल पॉवर फायनान्सच्या शेअर दरात उत्तम सुरवात झालेली आहे.
एचडीएफसी एएमसी (HDFC AMC), एशियन पेंट्स (Asian Paints), मॅरिको, डिव्हीस लॅब, जे.के. सिमेंट, भारती एअरटेल आदी शेअर दरात घसरण झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
