Share Market Tips : अर्थसंकल्पापूर्वी बाजार मंगळवारी सपाट बंद झाला. मिडकॅप आणि स्मॉलकॅप शेअर्सममध्ये जोरदार वाढ दिसून आली. सेन्सेक्स 49 अंकांनी वाढून 59550 वर बंद झाला. त्याच वेळी निफ्टी 13 अंकांनी वर चढून 17662 वर बंद झाला.
निफ्टी बँकही 268 अंकांनी वाढून 40655 वर बंद झाला. तर मिडकॅप 491 अंकांनी वाढून 30676 वर बंद झाला. ऑटो, पीएसई आणि मेटल शेअर्समध्ये खरेदी दिसून आली. एनर्जी, इन्फ्रा आणि रिअल्टी निर्देशांकही वाढीसह बंद झाले. त्याच वेळी, आयटी आणि फार्मा शेअर्समध्ये विक्री दिसून आली.
आज कशी असेल बाजाराची स्थिती?
बाजाराची सुरुवात चांगली झाली पण लवकरच विक्री सुरु झाल्याचे शेअरखानचे गौरव रत्नपारखी म्हणाले. मात्र, व्यवहाराचा दिवस जसजसा पुढे जात होता, तसतशी बाजारात रिकव्हरी दिसून आली. व्यवहाराच्या शेवटी, बाजार हिरव्या रंगात बंद झाला.
रिकव्हरीमुळे आता निफ्टी 17800 च्या दिशेने जाताना दिसत आहे. हा स्तर बाजाराची शॉर्ट टर्म दिशा ठरवण्यात महत्त्वाची भूमिका बजावेल. निफ्टीने 17800 ची पातळी ओलांडली तर त्यात आणखी वाढ दिसून येईल.
केंद्रीय अर्थसंकल्प आणि यूएस फेडच्या व्याजदर निर्णयांपूर्वी गुंतवणूकदारांनी नफा बुक केल्याचे कोटक सिक्युरिटीजचे श्रीकांत चौहान म्हणाले. तांत्रिक दृष्टिकोनातून निफ्टीला 17750 च्या जवळ रझिस्टंसचा सामना करावा लागत आहे.
आतापर्यंत निफ्टी 17500 च्या सपोर्ट झोनमध्ये आहे तोपर्यंत पुलबॅक होण्याची शक्यता आहे. या पुलबॅकमध्ये निफ्टी 17500 च्या वर टिकून राहिल्यास ही रॅली 17800-17850 पर्यंत जाऊ शकते.
दुसरीकडे, जर निफ्टी 17500 च्या खाली घसरला तर त्यात आणखी घसरण दिसून येईल. या घसरणीत निफ्टी 17400-17350 पर्यंत घसरेल.
आजचे टॉप 10 शेअर्स कोणते?
स्टेट बँक ऑफ इंडिया (SBIN)
महिन्द्रा अँड महिन्द्रा (M&M)
पॉवरग्रीड (POWERGRID)
अल्ट्राटेक सिमेंट (ULTRACEMCO)
अदानीपोर्ट्स (ADANIPORTS)
ऍस्ट्रल (ASTRAL)
श्रीराम ट्रान्सपोर्ट फायनान्स लिमिटेड (SHRIRAMFIN)
इंडियन हॉटेल (INDHOTEL)
अशोक लेलँड (ASHOKLEY)
आयडीएफसी फर्स्ट बँक (IDFCFIRSTB)
नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
