LICचे शेअर 800 रुपयांच्या खाली जातील? जाणून घ्या तज्ज्ञांचे मत

LIC Shares: एलआयसीच्या शेअर्समधील घसरणीला काही ब्रेक लागत नाही, शुक्रवारीही या शेअरमध्ये घसरण दिसून आली. आता हा शेअर 803.70 रुपयांवर आला होता. हा स्टॉक बीएसई आणि एनएसईवर 17 मे रोजी लिस्ट झाला होता. तेव्हापासून हा शेअर सातत्याने घसरतोय. यामुळे एलआयसीच्या शेअरमध्ये पैसे गुंतवणाऱ्यांना मोठा फटका बसला आहे. त्यामुळे आता याच्या गुंतवणुकदारांना हा शेअर 800 रुपयांच्या खाली जाईल का असा प्रश्न सतावत आहे.

एमके ग्लोबलने गुंतवणूकदारांना एलआयसीचे शेअर्स 'होल्ड' करण्याचा सल्ला दिला आहे. या स्टॉकसाठी 875 रुपयांचे टारगेट त्यांनी दिले आहे. म्हणजेच गुंतवणूकदारांना पुढील काही महिन्यांत प्रॉफिट बुकींग करण्याची संधी मिळणार नाही. कारण एलआयसीच्या पॉलिसीधारकांना 889 रुपये किमतीत वाटप करण्यात आला होता. रिटेल गुंतवणूकदारांना 904 रुपयांमध्ये देण्यात आला होता.

LIC चा IPO हा देशातील सर्वात मोठा IPO होता. सुमारे 17 तज्ज्ञांनी या IPO मध्ये गुंतवणूक करण्याचे सुचवले होते. एलआयसीच्या शेअर्सची कामगिरी चांगली होण्याची आशाही त्यांनी व्यक्त केली होती. पण तरीही येत्या काही काळात LIC चे शेअर्स चांगली कामगिरी करतील असा विश्वास तज्ज्ञ आताही व्यक्त करत आहेत.

जवळपास 60 टक्के मार्केट शेअर असलेल्या एलआयसीला अनेक ऑपरेटिंग आव्हानांचा सामना करावा लागतो. सिंगल-प्रिमियम ग्रुप मॅनेजमेंट बिझनेसमध्ये एलआयसीचा मोठा हिस्सा आहे. यामुळे लाइफ इन्शुरन्स मार्केटमधील जास्तीत जास्त हिस्सा मिळवण्यात मदत करते. दुसरीकडे, यामुळे त्याच्या कॉस्ट रेश्यो कमी होतो.

एलआयसीने सोमवारी मार्च तिमाहीचे निकाल जाहीर केले. प्रति शेअर 1.5 रुपये डिव्हिडेंड जाहीर केला. शेयरहोल्डर्सना आकर्षक डिव्हिडेंडची अपेक्षा होती. मार्च तिमाहीत त्याचा कंसॉलिडेटेड प्रॉफिट 17.41 टक्क्यांनी घसरला आहे. तथापि, नेट प्रीमियम इन्कम 17.88 टक्क्यांनी वाढले.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.