शेअर बाजार तेजीत बंद; सेन्सेक्स ४३३.३० अंकांनी वधारला

Todays Share Market News : आठवड्याच्या सुरुवातीला शेअर बाजारात तेजी दिसून आली होती. दिवसभर शेअर बाजारात अस्थिरता कायम होती. अखेर शेवटच्या सत्रात शेअर बाजार तेजीसह बंद झाला. सेन्सेक्स ४३३.३० अंकानी वधारुन ५३,१६१.२८ वर बंद झाला तर निफ्टीतही १३२.८० अंकांची वाढ झालेली दिसली. निफ्टी १५,८३२.०५वर बंद झाला. (share market closing update 27 june 2022)

सकाळी बाजार सुरू झाला तेव्हा सेन्सेक्स ६४९.०५ अंकांनी म्हणजेच १.१७ टक्क्यांनी वधारला होता व ५३,३५१.१६ अंकांवर स्थिर होत बाजार सुरू झाला. निफ्टी १९१.३० अंकांनी म्हणजेच १.२२ टक्क्यांनी वधारला व १५,८८२.३० अंकांवर स्थिर झाला होता.

गेल्या आठवड्याच्या अखेरीसही शुक्रवारी बाजारात चांगलीच तेजी दिसून आली होती. ऑटो, मेटल आणि एफएमसीजी शेअर्समध्ये चांगली खरेदी दिसून आली. आयटी सोडून सर्व सेक्टरमधील इंडेक्स वाढीने बंद झाले. बँक, ऑइल अँड गॅस आणि पॉवर शेअर्समध्ये खरेदी दिसून आली.