या कॅलेंडर वर्षातील ही दुसरी पगारवाढ आहे.
IT सर्व्हीस प्रमुख Wipro लिमिटेड 1 सप्टेंबर, 2021 पासून आपल्या कर्मचाऱ्यांचा वर्षात दुसऱ्यांदा पगार वाढवणार आहेत, याबाबत आधीच घोषणा करण्यात आली होती. "Wipro लिमिटेड 1 सप्टेंबर, 2021 पासून प्रभावी बँड B3 (असिस्टंट मॅनेजर आणि त्याखालील) पर्यंत सगळ्या योग्य कर्मचाऱ्यांचा मेरिट सॅलरी वाढ (MSI) सुरू करणार असल्याचे विप्रो ने म्हटले. जानेवारी 2021 मध्ये विप्रोने या प्रवर्गातील योग्य कर्मचाऱ्यांच्या पगारवाढीची घोषणा केली होती. कंपनीचे 80 टक्के कर्मचारी या प्रवर्गात येतात. या कॅलेंडर वर्षातील ही दुसरी पगारवाढ आहे.
बँड C1 (मॅनेजर आणि त्यावरील पदे) वरील सर्व पात्र कर्मचाऱ्यांना 1 जूनपासून प्रभावी पगारवाढ मिळेल. कंपनीने जून तिमाहीत 35.6 टक्के वाढीसह 3,242.6 रुपयांचा निव्वळ नफा कमावला होता. तसेच आर्थिक वर्ष 22 मध्ये Q1 प्रदर्शन आणि मजबूत मागणीमुळे दुहेरी आकड्यात महसूल वाढ नोंदवण्याचा विश्वास व्यक्त केला होता.
इंडियन अकाउंट स्टँडर्ड (Ind-AS) नुसार, बंगळुरू स्थित कंपनीने वर्षभरापूर्वीच्या कालावधीत 2,390.4 कोटी रुपयांचा निव्वळ नफा (इक्विटी धारकांच्या खात्यावर) नोंदवला. ऑपरेशन्समधून तिचा महसूल दरवर्षीच्या तिमाहीत 22.3 टक्क्यांनी वाढून 18,252.4 कोटी रुपये झाला. अल्पावधीत, या खर्चामुळे काही दबाव येईल, कारण कंपनीने आपल्या कर्मचाऱ्यांच्या वेतनात 80 टक्के वाढीची घोषणा केली आहे, जी 1 सप्टेंबरपासून प्रभावी होईल असे विप्रोचे मुख्य कार्यकारी अधिकारी आणि व्यवस्थापकीय संचालक थियरी डेलापोर्टे यांनी सांगितले.
दुसऱ्या तिमाहीत 6,000 फ्रेशर्स कंपनीत रुजू होतील जे की विप्रोकडून आतापर्यंतचे सर्वाधिक ऑनबोर्डिंग असेल असेही ते म्हणाले. "FY2023 मध्ये फ्रेशर्समध्ये सामील होण्यासाठी कंपनी या वर्षी 30,000 पेक्षा जास्त ऑफर लेटर्स सादर करेल. शिवाय 30,000 ऑफरपैकी 22,000 फ्रेशर्स सहभागी होण्याची शक्यता असल्याचेही त्यांनी सांगितले.
पहिल्या तिमाहीत 10,000 हून अधिक लोकांना भरती करण्यात आले होते, तर 2,000 पेक्षा कमी फ्रेशर्स ऑनबोर्ड होते. विप्रोच्या आयटी सेवा कर्मचाऱ्यांनी 2,09,890 च्या क्लोजिंग हेडकाउंटसह 2 लाखांचा टप्पा पार केला. जून 2021 च्या तिमाहीत त्याचे प्रमाण 15.5 टक्के होते. अलीकडेच, विप्रोने त्याच्या "एलिट नॅशनल टॅलेंट हंट" भरती कार्यक्रमासाठी नवीन अभियांत्रिकी पदवीधरांकडून (Engineering Graduates) नोकरीचे अर्ज मागवले आहेत. 2022 मध्ये अभ्यासक्रम पूर्ण केलेल्या अभियांत्रिकी विद्यार्थ्यांना (Engineering Students) भरती कार्यक्रमासाठी त्यांचे अर्ज पाठवण्यास सांगितले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
