पुणे - कोरोनाला रोखण्याकरिता शहरातील पेठा ‘सील’ करण्याबरोबरच गल्लीबोळात बॅरिकेड आणि बांबू टाकून बहुतांशी भागांचे प्रवेश पोलिसांनी रोखले. परिणामी वाहनेच काय तर पादचाऱ्यांनाही रस्ता ओलांडणे अशक्‍य झाल्याने ‘सील’ केलेला भाग खऱ्याअर्थाने ‘ब्लॉक’ झाला. अशा परिस्थितीतही अत्यावश्‍यक वस्तूंच्या खरेदीसाठी लोक सकाळी दहा ते बारापर्यंत रस्त्यांवर दिसत होते. ही वेळ संपताच पोलिसांनी मात्र लाठी उगारण्यास सुरुवात केल्याने काही मिनिटांतच रस्ते निर्मनुष्य झाले.
दुसरीकडे, सायंकाळी पाच साडेपाचनंतर लोक पुन्हा घराबाहेर येणार नाहीत, यासाठी पोलिस गल्लीबोळातही फिरून गस्त घालत होते. त्यामुळे पोलिसांची नजर शचुकवून रस्त्यांवर येण्याच्या बेतात असलेल्यांनी घराबाहेर पडण्याचे धाडस दाखविले नाही. अगदी हॉस्पिटल आणि मेडिकलमध्ये जाणाऱ्यांनाही पोलिसांनी हटकल्याने संचारबंदीचा प्रयोग यशस्वी झाल्याचा दावा पोलिस यंत्रणेने केला.
शहरातील काही भागांतच कोरोनाचे रुग्ण आणि संशयित वाढत असल्याने सर्व पेठांसह कोंढवा आणि महर्षीनगर ते ‘आरटीओ’पर्यंतचा रस्ता सील केला आहे. त्यानंतर या भागात नव्याने संचारबंदी लागू करीत अत्यावश्‍यक कामांसाठी लोकांना सकाळी दोन तासांचा वेळ पोलिसांनी दिला आहे. या निर्णयाची काटेकोरपणे अंमलबजावणी करीत विविध चार पोलिस ठाण्यांच्या हद्दीतील प्रमुख रस्ते, चौक आणि गल्लीबोळ बंद करण्यात आले. सर्व ठिकाणी पोलिस अधिकारी-कर्मचाऱ्यांना नेमून लोक रस्त्यांवर येणार नाहीत, याची काळजी घेण्यात आली. खडकी बाजार, लोहगाव, कोंढवा अादी परिसरातही रस्त्यांवर शुकशुकाट होता. लोहगावकरांनी तीन दिवस घराबाहेर न पडण्याचा निर्णय घेतला आाहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.